Fínn maður í heilbrigðisráðuneytinu

Tek ofan fyrir Ögmundi Jónassyni.  Það er sjaldgæfur eiginleiki að vera ekki gráðugur og normið hjá stjórnmálaelítunni er að taka að fullu lögvarin laun.  Í raun og veru ættu ráðherralaun að vera aðeins 20% ofaná þingfarakaup eða það sem skynsamlegra er.  Ráðherrar ættu að afsala sér þingmennsku og þar með þingfararkaupi.

Annars er greinilegt að í stól heilbrigðisráðherra er nú maður sem hefur kynnst kjörum fólks og ber hag þess fyrir brjósti.  Maður hlýtur að óska þess að hann fái tækifæri til að vera í heilbrigðisráðuneytinu næstu árin.  Í þessu embætti þarf að vera manneskja sem hugsar út frá sjónarhorni sjúklinga og starfsmanna.

Ögmundur fær ekki ráðherralaun

Athugasemdir

[Eyþór Laxdal Arnalds, 25.3.2009 kl. 21:14]

Mér finnst þetta virðingarvert hjá Ögmundi að afsala sér ráðherralaunum.

[Hlédís, 25.3.2009 kl. 22:02]

Það sakaði ekki að allir þingmenn í björgunarstjórninni gerðu hið sama.

[Hilmar Gunnlaugsson, 25.3.2009 kl. 23:24]

Þetta er glæsilegt hjá Ögmundi.