Frá Pontíusi til Pílatusar....

Einn snillingurinn sem reyndar er moggabloggari tók svo til orða í Silfri Egils sl. sunnudag að að einhver hefði gengið á milli Pontíusar og Pílatusar.  Það er ágætt að geta brugið fyrir sig tilvísunum í sögu, trú eða menningu en óneitanlega er nú skemmtilega að eitthvað vit sé í þeim tilvísunum. Pontís Pílatus var nefnilega einn og sami maðurinn.. hvað segir ekki í trúarjátningunni...píndur á dögumPontíusar Pílatusar.....Jesú Kristur gekk fyrir og var sendur milli milli Heródesar konungs og Pílatusar landsstjóra.. menn ganga því milli Heródesar og  Pílatusar.  Pílatus sendi hann til Heródesar til að “koma kóng Heródí í vanda” en Heródes sendi hann aftur til baka eftir að hafa niðurlægt hann.  Hvorugur vildi taka af skarið, hvorugur vildi taka ábyrgð –hvorugur vildi leysa úr málum og yfirleitt er tilvísunin í þeirri merkingu..

Nú er tungubrjótur Moggabloggarans ósköp skiljanlegur og e.t.v. hefur þessi arfbökun fest í sessi.  Ég hef svo sem heyrt þetta áður.  Ég leiðrétti í léttum tón þá upprennandi stjórnmálamann fyrir nokkrum árum -honum hafði orðið á þessi tungubrjótur.  Í stað þess að gera grín að sjálfum sér fór hann að túlka orð sín með  þeim hætti að hann hefði verið að tala um innri baráttu sína og þess vegan tekið svona til orða.  

Þeir sem ekki hafa humor fyrir mistökum sjálfs sín geti lent útí klungri.