War on relegation

Heljarstór mynd af Eggerti Magnússyni prýðir forsíðu íþróttablaðs Guardian í dag þar sem kallinn lýsir yfir stríði gegn falli (war on relegation). Frábært að sjá Mr. Magnússon þarna og vonandi skilar neistandi baráttuþrek hans sér inn í liðið þegar það tekur á móti Watford i dag. Ég veit svo sem ekki með hverjum ég á að halda.  Ég hef tamið mér það að halda með undirhundunum hverju sinni ef Tottenhan er ekki að spila og Watford er enn ver sett en West Ham. Ætli ég geri ekki undantekningu nú- Watford er hvort sem er fallið.

Annars les ég það í Mogganum að Eggert hafi boðið svo og svo mörgum íslenskum prestum á leikinn.  Af hverju er ég ekki í þeim hópi? Eru þetta nógu máttugir prestar? Kannski eru þetta pokaprestar? Við skulum sjá.  Vonandi hefnist Eggert ekki fyrir það að bjóða ekki alvöruprestum eins og mér með.  Mér hefði ekki verið verið skotaskuld úr því að vinna leikinn með nærveru minni -ég sem hef margsinnið rekið út drauga úr híbýlum manna og bátum. Menn eins og Eggert mega ekki skilja neitt eftir handa tilviljuninni. 

Athugasemdir

[GK, 10.2.2007 kl. 21:24]

Eggert klikkaði illilega þarna... það sást á leiknum. Nú þurfa Hamrarnir andi magnaða prédikun ef þeir ætla að hanga uppi...

[Baldur Kristjánsson, 11.2.2007 kl. 10:05]

Sú prédikun verður ekki flutt án boðsmiða!!!!