Hver veit!

Hver veir nema að þetta verði hin prýðilegasta stjórn!

Geir og Ingibjörg sest á fund

Athugasemdir

[Hafsteinn Viðar Ásgeirsson, 17.5.2007 kl. 17:10]

Ég hef trú á því Baldur, að hún eigi að hafa alla burði til þess, nægur er þingmeirihlutinn til að koma fram málum...?(Og þá vonandi góðum)

[Baldur Kristjánsson, 17.5.2007 kl. 17:22]

Það er nú einu sinni uppstigningadagur!

[María Kristjánsdóttir, 17.5.2007 kl. 17:54]

Mér þykir nú vissara að reyna að rifja upp í kvöld bænirnar tólf sem hún nafna mín kenndi mér.

[Sigurður G. Tómasson, 17.5.2007 kl. 18:03]

Mér þykir presturinn upplyftur og bjartsýnn á uppstigningardag. Sem er við hæfi. Ég held að Framsókn geri rétt í því að draga sig út. Flokkurinn færist þá væntanlega til vinstri og það sem meira er, ekki mun safnast að honum nein bitlingahjörð, því nú verður ekki gefið meira mjöl á garðann! Mér er reyndar sagt að frumkvæðið að þessum samstarfsslitum komi frá sjöllunum. Og svo er annað. Mey skal að morgni lofa. Við vitum ekki einu sinni hvaða stjórn kemur og enn síður hvort það verði til farsældar.

kveðja! 

[Hafsteinn Viðar Ásgeirsson, 17.5.2007 kl. 19:16]

Presturinn þessi er nú oftar en ekki "upplyftur og bjartsýnn" Sigurður, sem betur fer og uppstigningardagurinn fer sérlega vel í hann...

[Baldur Kristjánsson, 17.5.2007 kl. 19:28]

Gott væri nú ef María sá ágæti  leiksstjóri og fornvinur kenndi mér eitthvað af þessum bænum, ég held að ég kunni ekki nema átta, svona utanað...Kv.

[Sigþrúður Harðardóttir, 17.5.2007 kl. 20:20]

Ég hugsaði einmitt líka um forspárgildi þess að þetta gerist á uppstigningardegi  Kannski lofar það bara góðu. Held jafnvel að þetta sé besti kosturinn í stöðunni eins og hún er í dag og vissulega hefur Samfylkingin nóg af góðum ráðherraefnum. Ég er nú samt ekki alveg sannfærð um að þetta gangi saman....

[María Kristjánsdóttir, 18.5.2007 kl. 12:38]

Sko. Þetta var nú einhver bræðingur af bænum, sálmum og Hallgrími Péturssyni.

Ég er að reyna að rifja þetta upp. Man enn þá bara fimm. En get sagt þér smásögu á meðan:  Amma mín og nafna á neðri hæðinni kenndi mér barni þessar bænir. Amma mín á Skólavörðustígnum  hló við þegar hún heyrði  barnið tuldra  þessa langloku þegar það gisti hjá henni. Hún grét hins vegar tuttugu árum síðar þegar hún gat ekki signt yfir seinni mann sinn látinn -þarsem hann var trúleysingi. Þá fyrst fyrirgaf barnið hláturinn. Er þetta ekki falleg saga um þversagnir tilverunnar?

[Hafsteinn Viðar Ásgeirsson, 18.5.2007 kl. 13:08]

Syssa mín, þér er að mínu viti alveg óhætt að bóka þetta, nema eitthvað stórslys verði í viðræðunum, sérstaklega eftir að þeir fóru að vilja vinstri stjórn Jón og Steingrímur. Sé ekki Geir fara að gambla neitt með þetta mál, það væru alveg galin vinnubrögð og hann er bara ekki þekktur af slíku þessi rólyndismaður....

[Sigþrúður Harðardóttir, 19.5.2007 kl. 00:14]

Í dag er ég viss Hafsteinn...þetta gengur.

[ÞHelga (IP-tala skráð) 19.5.2007 kl. 19:52]

Kæri Baldur,- leggst ekki Framsóknarflokkurinn af núna,- enda barn síns tíma, og þessar fáu liðsmanneskjur hans færa sig á íhaldið og krata ?