Þegar Strandamenn stoppa í Búðardal....

Fyrrum var mikill samgangur milli Dalamanna og Strandamanna og ekki
óalgengt að Dalamenn næðu sér í kvonfang á Strandir eða öfugt. 
það voru ekki síst Saurbæingar sem brugðu sér yfir til að næla sér í
kvonfang.  Svo var um áa mína. Kom út úr þessu hið ágætasta
fólk!!  Þessi samgangur minnkaði þegar leið á síðustu öld og
Strandamenn fóru að fara suður um Hrútafjörð en Dalamenn fóru á 
Staðarfell í makaleit þar sem var húsmæðraskóli og konur hvaðanæfa
að.  Nú gæti þetta breyst aftur með tilkomu heilsársvegar um
Tröllatunguheiði.  Strandamenn og Dalamenn farið að blanda blóði á
ný til hagsbóta fyrir þjóðina.  Það gæti t.d. gerst þegar
Strandamenn stoppa á Skriðulandi eða í Búðardal á leið sinni suður. Þá
hefðu þeir svo sem ekkert að gera lengra suður.

Binda miklar vonir við heilsársveg um Tröllatunguheiði

Athugasemdir

[Helgi Már Barðason, 3.7.2007 kl. 20:47]

Tek undir það, Baldur, að þitt fólk í Dölunum er mikið sómafólk og berðu því mínar bestu kveðjur. Við hjónin bjuggum á þessum slóðum í áratug og höfum til Dalanna afskaplega sterkar taugar.