Che Guevara

Í dag eru fjörtíu ár frá því að Che Guevara var tekinn af lífi í Bólívíu. Hann var fyrir fámennri skæruliðsveit í Bólivíu þegar hann var tekinn. Áður hafði hann farið í misheppnaða byltingarferð til Afríku. Þar áður tekið þátt í byltingunni á Kúbú, fæddur í Argentínu, baráttufélagi Castrós.

 

Dauði hans var vel auglýstur. Myndir af líkinu sendar út um allan heim. Í vestrænni pressu hefur hann verið útmálaðiur sem morðingi og glópur. Samt er hann hetja.  Nafn hans sveipað dýrðarljóma. Í Bólivíu er nafn hans sveipað dýrðarljóma enda hefur fátæktin ekki yfirgefið landið og þjóðina.

 

En af hverju lifir minning hans.  Af hverju hertók hann huga okkar og hjarta?

 

Hann dó ungur og andlit hans er tákn um æskudrauma okkar. Þá dreymdi okkur um betri heim.

 

Hann barðist fyrir hugsjónum sínum allt til enda. Við dáumst af því.  Aldurinn gerði slíkt ráðslag að engu hjá okkur.

 

Svo er hann svo myndarlegur, fallegur og fríður. Hefði hann haft andlit eins og dæmigerður kurfur hefði hann ekki passað á alla þessa boli.

 

Andlit Che er eitt af táknum 20. aldarinnar.

Athugasemdir

[María Kristjánsdóttir, 8.10.2007 kl. 14:42]

Ég er nú alltaf svolítið sár út í hann. Hann óð út í þetta ævintýri, kunni ekki það tungumál sem talað var í landinu, þekkti ekki bændur í fjallahéruðum Bolivíu. Hefði heldur viljað að hann hefði þraukað og reynt að puða áfram með hugsjónir sínar á heppilegri stöðum, gráhærður og gamall.

[María Kristjánsdóttir, 8.10.2007 kl. 15:14]

Aldrei lætur Laissez-Faire sig sífellt þarf hann að breiða út víðsýni sína, djúpa þekkingu og fagurt hugarþel á þessu bloggi! Færslan hans var ekki sýnileg þegar ég setti inn mína.

[Baldur Kristjánsson, 8.10.2007 kl. 15:30]

Þetta er sjálfsagt unglingur sem á eftir að tileinka sér betri umræðuhefð!  Kv. B

[Signý, 8.10.2007 kl. 18:45]

ef félgagi hans castró hefðu verið drepnir fyrr.... er castró ekki sprelllifandi?

[Geimveran, 8.10.2007 kl. 18:53]

Flest fólk veit að Che er tákn um eldheitan baráttuanda og samkennd með þeim sem minna mega sín. Hann er íkon hugsjónamannsin sem er tilbúinn að fórna öllu fyrir drauminn um betri heim, ekki fyrir sjálfan sig, því hann var af "æðri" stétt sjálfur, heldur fyrir fátæklingana sem öllum virðist almennt vera sama um. Þetta eru þættir sem íslensk þjóð mætti smitast aðeins af - hér á landinu þar sem enginn er maður með mönnum nema hans eina hugsjón sé að græða og græða peninga sama hvern hann þarf að traðka á og eyðileggja til þess. Nokkuð sem verður meira áberandi með hverjum deginum sem líður.Mig hefur alltaf dreymt um betri heim - en líkt og Baldur segir þá gerist það stundum með aldrinum að slíkir draumar og hugsjónir virðast einmitt aldrei geta orðið annað en draumar. Við lifum því miður í martröð þar sem fáfróðir og illgjarnir menn eins og Laissez-Faire tröllríða ríkjum (það þarf ekki að eyða löngum tíma á blogginu hans til að sjá að maðurinn er annaðhvort svívirðilegur lygari eða álíka sögufróður og hundur nágrannans) en einhverntíman hlýtur fólk að vakna upp af martröðinni og fara að skilja hvað það er sem skiptir máli í heiminum. Geimveran

[Sema Erla Serdar, 8.10.2007 kl. 19:22]

Nú er ég viss um að maðurinn hafi dáið 9. október!!

[Sema Erla Serdar, 8.10.2007 kl. 19:28]

hvað meinaru María með að hann kunni ekki tungumálið sem var talað í landinu?! Það er töluð spænska í Bólivíu!!

[María Kristjánsdóttir, 8.10.2007 kl. 19:34]

Það er töluð spænska í Bólivíu já, en það var ekki tungumál indíánanna í héraðinu þarsem hann valdi að fara til. Eða?

[Sema Erla Serdar, 8.10.2007 kl. 19:42]

Nú stend ég á gati ! 

[Jón Valur Jensson, 9.10.2007 kl. 01:13]

Er það satt, að Che hafi drepið 12 ára liðsdreng sinn?

Svari þeir, sem svarið vita.

[Sema Erla Serdar, 9.10.2007 kl. 13:02]

afhverju ætti hann að hafa gert það?