Lífsháski skáldsins!

Matthías Johannessen flottur í Kiljunni í gær.  Grand old man virkilega en mikið fór nú Kalda stríðið illa með marga af hans kynslóð.

Smá minningarbrot: Það var 1973 eða 1974 sem 1. des. nefnd stúdenta fór í mál við Morgunblaðið vegna þess að okkur hafði verið líkt við landráðamenn í nafnlausum ritstjórnardálki í blaðinu, Staksteinum held ég. Stúdentar höfðu skipulagt 1. des. hátíð og heimtuðu herinn burt og Ísland úr NATÓ. Við vorum ekki haldin neinum kaldastríðsótta.  Ungt fólk sem upplifði engan lífsháska. Skáldið upplifði tímana allt öðruvísi.  Við áttum sáttafund með honum á skrifstofu Moggans í Aðalstræti. Hann hafði líkt okkur við landráðamenn og gaf sig hvergi. Við lágum ekkert á okkar viðhorfi, létum hann hafa það óþvegið, vorum óhrædd, mundum ekki Stalín, nýkomin úr öryggi foreldrahúsa, skáldið ennþá statt í lífsháskanum. Ég held að málið hafi dagað uppi.

Við Matthías höfum síðan hist í kirkjulegum teboðum- Hann er kirkjunnar maður- gert þetta upp -og hlegið saman.  þetta voru fáránlegir tímar sem vonandi koma ekki aftur. Og þó - eins og Matthías sagði: Það var gaman. 

Málið er að það er ósköp leiðinlegt núna. Venjubundið borgaralegt líf er ósköp trist!

Athugasemdir

[Glúmur Gylfason (IP-tala skráð) 18.10.2007 kl. 21:43]

"Borgaralegt er lífið trist."

Lát nú heyrast svar.

Hvernig verður Himnavist?

Hvergi barist þar? 

[Sólveig Hannesdóttir, 19.10.2007 kl. 16:32]

Ég var nú alltaf sammála Matthíasi Johannesen.  Og ósköp fannst mér þetta eitthvað slappt baráttuefni stúdenta á sínum tíma. Ég upplifði þetta sem eitthvað tómarúm meðal stúdenda þess tíma, eins og þú segir nýkomnir úr öryggi foreldrahúsa.

Nei, það er rétt þessi kynslóð þekkti ekki Stalin.

Bendi á leikrit Vésteins Lúðvíkssonar, "Stalín er ekki hér" og

Ljóðabók Jóhanns Hjálmarssonar  "Myndin af afa mínum".

[Baldur Kristjánsson, 19.10.2007 kl. 16:46]

Sæl! Varstu svona ,,ábyrg" þá líka?  Kv. B

[Sólveig Hannedóttir (IP-tala skráð) 20.10.2007 kl. 19:20]

Datt ekki í hug að þetta væri svona augljóst,.... Ber eiginlega ábyrg á heiminum...........................

[Sólveig Hannesdóttir, 20.10.2007 kl. 21:48]

Vantar eðið í ábyrgð..lyklaborð að stríða mér.