Mannvonska og hatur

Verulega umhugsunarverð grein sem allir ættu að lesa hjá Gauta Eggertssyni um svertingjahatur og útgáfu bókarinnar Tíu litlir negrastrákar .  Mér finnst núna að ég hafi verið alltof mjúkur í umfjöllun um bókina.

 http://blog.central.is/gautieggertsson?page=comments&id=3363126

Athugasemdir

[Benedikt Sigurðarson, 30.10.2007 kl. 21:49]

Sammála þér Baldur.  Gauti tekur snarpan vinkil - sem er í senn persónulegur en samt yfirmáta almennur.

Þannig vinklar eru meiningarmiklir fyrir flesta. ´´Eg var líka búinn að tjá mig á visisblogginu mínu http://blogg.visir.is/bensi - þar sem mér ofbauð vitleysan.  Myndirnar eru ljótar og textinn heimskulegur og illgjarn - og hafi listamaðurinn ekki unnið frekar sér til frægðar og dýrðar þá legg ég til að hann falli í gleymskunnar dá......

Kveðja

Bensi

[Sigþrúður Harðardóttir, 30.10.2007 kl. 22:47]

Ég hef ekkert tjáð mig um þetta mál en gat ekki orða bundist eftir að hafa lesið grein Gauta fyrr í dag. Hún segir allt sem segja þarf á þann hátt sem bestur getur talist.

[Kolgrima, 31.10.2007 kl. 02:20]

Þetta er miklu meira en rasismi - og á vissan hátt rasismi að líta fram hjá því. Tíu litlir negrastrákar fjalla um voveifleg dauðsföll barna fyrst og fremst. Og er rasismi í ofanálag.

Eða rasismi fyrst og fremst og um voveifleg dauðsföll barna í ofanálag. Ég skil ekki hvernig nokkur getur varið það. 

En hvort heldur sem er, þá er pistillinn hans Gauta alveg frábær. 

[Greta Björg Úlfsdóttir, 31.10.2007 kl. 04:42]

Það er svo greinilega hægt að lesa þennan texta á margan hátt - eftir því með hvaða gleraugum það er gert - sem skondinn bulltexta, eins og ég hef löngum gert - eða taka hann grafalvarlega sem lýsingu á vofveifilegum dauðdaga barna eins og Kolgríma gerir - eða sem beina árás á norður-ameríkana af afrískum uppruna (negra, svertingja, blökkumenn) sérstaklega og þann kynþátt manna sem löngum hefur verið nefndur hinn svarti almennt eftir lestur á greinargóðum og lýsandi skrifum Gauta B. Eggertssonar.

Myndir Muggs eru svo kapituli sem ég ætla ekki að taka fyrir að sinni, því klukkan er orðin margt - vil bara segja að ég var búin að steingleyma þeim þeirra þar sem blóð gusast út - minnti satt að segja að þær væru bara bráðfyndnar, svo ekki hafa valdið mér sálarkröm á unga aldri, eftir því að dæma - þó ég yrði hins vegar alltaf að fletta mjög hratt yfir mynd af beinagrind í Gulleyjunni - en þá var ég orðin eldri! 

[Sædís Ósk Harðardóttir, 31.10.2007 kl. 09:43]

já það er ótrúlegt að lesa þessa færslu og færir manni allt aðra sýn á þessa bók.  Ég man ekki eftir að hafa átt hana sem barn en vísurnar sungu allri s..s á jólaböllum og öðrum samkomum fyrir börn.  MIklir fordómar í þessu.

[Sigurður Hreiðar, 31.10.2007 kl. 10:48]

Ég hef nú lesið nokkrum sinnum texta Gauta og sé þar ekkert sem gerir textann í 10 litlum negrastrákum á íslenskum niðrandi fyrir þá sem bera dökkan húðlit umfram það sem væri hugsanlega fyrir hvern þann 10 manna hóp sem yrði fyrir viðlíka skakkaföllum og þar koma fram. Ekkert. Þannig að ef þú Baldur minn og Gauti og viðhlæjendur ykkar hugarfars sjáið þar það sem þið eruð að reyna að herma upp á ljóð Gunnars Egilssonar hlýtur það aðeins að vera eitthvað sem þið kroppið úr eigin hugarfari.

Ég er að vissu leyti sammála Kolgrímu um að þetta er sorglega mikið mannfall en það var mjög algengt í barnagælum hér áður fyrr og börn tóku mismikið nærri sér, enda eru eðlileg börn nösk á hvað er ævintýri og skemmtisaga og hvað er alvara.

En þegar öllu er á botninn hvolft eru 10 litlir negrastrákar aðeins skemmtiþula við þægilegt lag sem auðvelt er að læra. Og þegar moldviðrið út af þessu lægir uggir mig að muni mega segja um þetta eins og í niðurlagserindi í annarri sambærilegri barnagælu á ensku, þar sem fjallað er um 10 grænar flöskur sem hanga uppi á vegg og verða fyrir hverju skakkafallinu á fætur öðru uns aðeins er ein eftir:

:,:One green bottle, ahanging on the wall:,: /if that one green bottle should accidentally fall/there would only be the smell after/ahanging on the wall.

Það er einmitt það sem þetta fjas um vonda fordóma er: þefur af löngu dauðu máli.

[Kristín Björg Þorsteinsdóttir, 31.10.2007 kl. 11:50]

Greinin hans Gauta er virkilega góð og ég skora á sem flesta að lesa hana.

[Alda (IP-tala skráð) 31.10.2007 kl. 12:28]

Tek undir með flestum hér og hvet alla til þess að lesa greinina/færsluna hans Gauta. Það eina góða sem má segja um útgáfu þessarar bókar er að hún hvetur til umræðu og sjálfsskoðunar, sem er vel. 

[Gunnhildur Hauksdóttir, 31.10.2007 kl. 12:36]

já grein gauta er frábær og seigir allt sem seigja þarf

[Baldur Kristjánsson, 31.10.2007 kl. 15:18]

Það var óþarfi að svara fyrra kroti þínu. Þú kemst sjálfur án hjálpar að skynsamlegri niðurstöðu. Enginn nema þú barst að tala um boð og bönn.  Kv. B