Guð er ekki kristinn!

Á þessum morgni er mér hugstætt viðtal við Desmond Tutu sem ég sá nýlega. Þar vekur hann mann af værum blundi með því að benda á að Guð sé ekki Kristinn.  Vitaskuld er hann ekki kistinn. Hann er auðvitað hátt upp hafinn yfir einhverjar mannagreiningar.  Það má kannski líkja honum við ríkisvald og trúflokkum við stjórnmálaflokka sem keppa um hylli lýðsins og reyna að gera sig sem mest gildandi. Ríkisvaldið er hlutlaust í sjálfu sér en sá flokkur verður vinsælastur nær tökum á því og beitir því í sína þágu. Yndisleiki tímans tímans og sögunnar er að honum verður svo velt. Það má minna á að Jesú Kristur var Gyðingur.  Kristnir menn hafa iðulega ofsótt Gyðinga.  Á sjötta áratug síðustu aldar var prédikara nokkrum hent út af kvenfélagsfundi í Alabama í Bandaríkjunum fyrir það guðlast að halda því fram að María móðir Jesú hefði verið Gyðingur. Hver maður er ósköp smár í gerð sinni en saman hefur mannkyni tekist að gera ýmsilegt gott. Trúarbrögð virðast vera fylgifiskur mannsins hvar sem hann fer.  Spurningin er ekki sú hvort að það sé til góðs eða ills. Það er þannig hvort sem það er til góðs eða ills. Trú er hluti af mannlegu eðli og leiðir sjálfsagt bæði til góðra og illra verka.  Getur verið bæði sameinandi og sundrandi. En í ,,stefnuskrám” trúflokkanna er hiklaust bestu hluti að finna.  Gallinn við þá er hins vegar að þeir eru skipaðir fólki. Og við erum syndaselir. Þetta eru ófullgerðar hugsanir. Sjálfsagt verða einhverjir til að benda á það.

Athugasemdir

[Carlos Ferrer (IP-tala skráð) 13.1.2008 kl. 11:45]

Rétt hjá þér, Guð er ekki kristinn. Guð er Englendingur!

[Teitur Atlason (IP-tala skráð) 13.1.2008 kl. 12:51]

Sæll ágæti Baldur. Ert þú í réttu trúfélagi? Þetta sem þú ert að velta fyrir þér er í fullkomnum samhljómi við Bahá-isma. http://en.wikipedia.org/wiki/Bah%C3%A1%27%C3%AD_Faith

Ef þetta er rétt sem þú segir í þessari vangaveltu, er það þá þín skoðun að guðinn hafi haft einhverskonar mök við unglingsstelpu fyrir 2008 árum og eignast með henni soninn Jesús?

 -Er þetta kannski bara dæmisaga?

[Guðbjörn Jónsson, 13.1.2008 kl. 12:51]

Oft leynast mikilvægir þættir í því sem við  segjum eða skrifum. Samlíking þín milli Guðs og ríkisvaldsins er ekki svo fráleit, innan þeirra marka sem mannlegur samanburður getur náð. Hins vegar leyndis gullkorn í þessum stutta texta þínum, sem mér finndist rétt að beina huganum meira að. Í texta þínnum segir þú:

"Ríkisvaldið er hlutlaust í sjálfu sér en sá flokkur verður vinsælastur nær tökum á því og beitir því í sína þágu"

Þetta er það viðhorf sem hefur verið að ná tökum á hugsun fólks undanfarna áratugi. Fólk/flokkur þarf að ná tökum á valdastofnunum til að beita valdi sér og sínum í hag. Hugsun fyrri kynslóða okkar fólks var að beita valdi sínu til uppbyggingar heildarinnar og skila afkomendum sínum betra samfélagi. Sú hugsun er í fullu samræmi við vilja Guðs, um að allir sitji við sama borð við útdeilingu þeirra veraldlegu verðmæta sem heildarinnar er.

Við höfum því miður færst afar langt frá þessari kærleiksríku hugsun. 

[Jón Steinar Ragnarsson, 13.1.2008 kl. 17:25]

Mæl þú manna heilastur.  Þetta er kjarni þess sem þeir er kallaðir eru af fordæmingu vantrúaðir og guðleysingjar eru að segja.  Ef skammbyssur eru til til að verjast öðrum, sem eiga skammbyssur, er betra að vera án þeirra. Sama gildir um trúarbrögð. Guns dont kill people, people kill people segja þeir sem verja tilvist þeirra. Fyrir mér eru það fullgóð rök fyrir að þær ættu ekki að vera til. Sama gildir enn um trúarbrögð.

Hér að ofan má sjá vísir að þrætubókinni, frá trúuðum, sem telja það móðgun að segja að Kristur hafi verið Gyðingur.  Þetta er talandi dæmi um aukaatriðin, sem eru orðin að aðalatriðum og lýsir fordæmingu og aðskilnaði, sem er ávallt fylgifiskur trúar.  Það eru ekki kærleiksorðin sem eru höfuðatriðið.  Kristni og Islam eru agressiv trúarbrögð, sem telja sig hin einu réttu og bítast við aðra um hver Guðanna sé hinn sanni. Þetta eru trúarbrögð, sem telja sig vera til höfuðs öðrum trúarbrogðum og að það sé skylda þeirra að útrýma þeim og frelsa heiminn, hvort sem hann vill eður ei og það með góðu eða illu.  Kristur segist fara með sverði og því fara kristnir með sverði.  Kristur eggjar menn til að gera alla heimsbyggðina að lærissveinum og meðölin eru ljós í öðrum orðum hans auk þess sem þau eru sótt út fyrir þau og í postularit, opinberunarbók og gamlatestamentið.

Trúarbrögð eru vitfirring, sem leggja munu heiminn að velli ef menn taka ekki sönsum.  Þau snúast ekki um sjálfsrækt eins og upphaflegur tilgangur þeirra hefur sennilega verið, heldur um að beygja alla aðra undir hugmyndafræði og skilning sinn á þessum afstæðu hlutum.   Hér er gott og nærtækt dæmi um hina sönnu birtingarmynd þeirra í dag.

Enginn hefur lært og ekkert hefur breyst frá því á fjórðu öld og er ekki á leiðinni að breytast samkvæmt öllum sólarmerkjum. Ég ætla svo að sleppa því að tíunda uppruna og áræðanleika þeirra ritlinga, sem vitleysan byggir á.  Það er annars ævintýri líkast að fólk skuli leggja trúnað sinn á þetta.

[Sigurður Þórðarson, 13.1.2008 kl. 17:31]

Ég er í megindráttum sammála ykkur með Guð og ríkisvaldið.  Raunar tel ég mig vita að Guð búi á Íslandi og sé ríkisstarfsmaður.

[Theódór Norðkvist, 13.1.2008 kl. 19:32]

Baldur ert þú sem sagt ekki sammála kirkjunni, sem þu ert prestur fyrir, um að Guð sé Faðir, Sonur og Heilagur Andi?

Ef svo er, er þá ekki réttast að þú skilir hempunni til Biskupsstofu? 

[Gunnlaugur B Ólafsson, 13.1.2008 kl. 21:00]

Áhugaverð hugleiðing. Það er vissulega slæmt þegar sumir telja sig þess megnuga að dæma sjálfa sig æðri eða rétthærri af því að þeir séu meiri fulltrúar eða kunnugri kennisetningum en aðrir. Þá hætta þeir að hlusta sem að er ekki síður mikilvægt en að hafa þekkingu. Mbk,  G

[Soffía Sigurðardóttir, 14.1.2008 kl. 01:06]

Já, Desmond Tutu hefur áhugavert sjónarhorn á svo margt.

Var Guð kristinn áður en kristni kom til?

Eru bara kristnir menn börn Guðs?

Gerir Guð upp á milli fólks eftir trúarbrögðum þess?

Reynir fólk að troða sínum eigin skoðunum upp á Guð?

Ég bloggaði reyndar smávegis um þessi ummæli Desmond Tutu á http://fia.blog.is/blog/fia/entry/410753/#comments

Bæti svo við smá pælingu: Hver trúði á Guð áður en mannkyn kom til? Var hann þá ekki til? Var það sumsé maðurinn sem skapaði Guð? Engin furða þótt menn vilji ráða því hvaða afstöðu Guð hefur til manna og málefna! 

[Auðun Gíslason, 14.1.2008 kl. 02:12]

Eitthvað er nú langt um liðið síðan Tutu og Baldur lásu 1. Kafla Jóhannesarguðspjallsins, eða hvað?

[Jón Steinar Ragnarsson, 14.1.2008 kl. 06:36]

María ver óumræðanlega Gyðingur, dóttir Önnu og Jósafats.  Merkilegra finnst mér þó áherslan á konunglegan ættlegg Jesú og upptalningu ættartölu Jósefs til Davíðs konungs því til áréttingar, þegar Jesús var í raun ekki sonur Jósefs samkvæmt sögninni, heldur eingetinn.  Er nokkur furða þótt menn lesi þessi rit með tungu í kinn.  Þrátt fyrir að sagnirnar bendi til að Jesú hafi átt fjölda bræðra og systra og jafnvel tvíburans Tómasar, þá eru Kaþólskir harðir á að hún hafi ávallt verið mey.  Skýringin er sú að Jósef hafi verið ekkill með barnafjöld og haf tekið að sér að giftast Maríu henni til heilla.  Heimildirnar fyrir þessu?  Jú, Kóraninn.  Þar er sagt frá þessu í smáatriðum, jafnvel þegar meydómur maríu var staðfestur með fingurpoti. Kóraninn, sem ritaður var um 700 árum eftir atburðina.  Merkilegt er margt í kýrhausnum. 

[Hafsteinn Viðar Ásgeirsson, 14.1.2008 kl. 17:02]

..það skrifar enginn neitt um almættið nema detta þú í hug ...kristinn..