Fimm brauð og tveir fiskar!

Það voru fimm brauð og tveir fiskar eða var það öfugt: fimm fiskar og tvö brauð. Man það ekki, hef aldrei munað það og mun aldrei muna það. Ef í hart fer spyr ég dóttur mína sem er í Kvennaskólanum.  Skiptir heldur engu máli.  Kraftaverkið er eitt og hið sama.  Hann mettaði 5000 karlmenn með þessu segir þar sennilega um 8000 manns ef börn og konum er bætt við en þau voru ekki talin með fyrr en síðar.

 Hvað var kraftaverkið? Var það fordæmið? Hann byrjaði að miðla af því litla sem hann átti og gjafmildin smitaði út frá sér. Undan kvið sínum drógu menn og konur poka með brauðhleifum og fiskbitum og gáfu í kringum sig.  Það var eftir allt saman til nóg til að metta alla.

Eins og í heiminum í dag.  En menn ætluðu aldrei að hafa sig í það af því að hver lúrði á sínu. Þangað til hann kom.

 En svo fór hann.  Fór þá allt í sama farið?

Athugasemdir

[Vilhjálmur Örn Vilhjálmsson, 29.2.2008 kl. 17:02]

María ráðlagði líka Jesúm að taka kokkinn. Miklu betra en að láta krossfesta sig fyrir smið.

Var þetta þá skreið eða reyktur lax sem gyðingarnir voru að fela í pokum innan klæða? Ég held sjálfur að Jesua sonur Jósefs smiðs hafi verið fyrsti sushikokkurinn - fimm fiskar, mjög þunnar sneiðar.

Ef íslensku bankarnir fara á hausinn er kannski gott að hafa skreið í pokahorninu. Jesús kemur nefnilega ekki aftur. Til þess var hann gerður......

[kristín einarsdóttir (IP-tala skráð) 29.2.2008 kl. 22:09]

Vel að orði og kjarna komist og takk fyrr það ke

[Ásgeir Kristinn Lárusson, 1.3.2008 kl. 01:37]

Hefði verið fínt að hafa smá olíu með skreiðinni og hrökkbrauðinu ;)

Olive Oil's Ancient History

Olive oil is one of civilization's oldest foods, dating to at least the 10th century B.C. The word "oil" actually is derived from the same root as "olive."

In the Book of Genesis, Noah knows the floodwaters have receded when he sees a dove carrying an olive branch — now a universal sign of peace. In Greek mythology, Zeus offered Attica to the god or goddess with the most useful invention. Athena, goddess of wisdom and peace, won the prize for her creation of the olive tree.

Olive oil was used in the Temple of Israel. The kings of Israel and Judah were anointed with olive oil, and from this ritual of anointing the Jews referred to their savior as "Messiah," Hebrew for "anointed one." Christ, too, is derived from the Greek word, Kristos, which is a direct translation of "anointed one.

[Vilhjálmur Örn Vilhjálmsson, 1.3.2008 kl. 09:06]

Ertu með þessu, Ásgeir, að segja að Jesús hafi verið "one oily pratt"?

Skreið er reyndar ekki kosher ef hún hefur verið verkuð í landinu helga. Of margar pöddur komast í svoleiðis verkun á þeim slóðum.

Kannski hafa þetta verið sardínur úr krukku með olíu. Eða bara góð fiskisósa, Garum öðru nafni liquamen. Þá er komin skýringin á því af hverju gyðingar voru að fela slíkt rómverskt gums innanklæða. Það gátu líka verið mjög margir fiskar í einni krukku af Garum. Þetta hefur síra Baldur væntanlega aldrei hugsað út í. Líklegra er að hann hafi séð fyrir sér brauðtertu með laxi.

[Ásgeir Kristinn Lárusson, 1.3.2008 kl. 12:55]

Alltaf gaman að vel smurðum orðum; jar - jahr - krukka - klukka ;)

[Theódór Norðkvist, 1.3.2008 kl. 13:39]

Ég hef alltaf litið svo á að kraftaverkið með brauðin 5 og fiskana 2 hafi verið áþreifanlegt kraftaverk, þ.e. brauðin og fiskarnir margfölduðust í höndum Jesú. En boðskapurinn sé að ef við förum af stað í lífinu með það litla sem við höfum í trú þá margfaldi Guð það.

Þórður gamli var mikill efasemdarmaður og átti til að koma prestinum í kirkjunni í þorpinu í vandræði. Eitt sinn var prestur að prédika og sagði:

Jesús mettaði 5 manns með 5000 fiskum! Getur þú það, Þórður? Efasemdarmaðurinn sagði að auðvitað yrði hann ekki í vandræðum með það.

Prestur varð mjög skömmustulegur, er hann sá að hann hafði mismælt sig. Í næstu guðsþjónustu var hann staðráðinn í að prédika aftur út frá þessu sama og gera engin mistök í það sinnið.

Í guðsþjónustu næsta sunnudags sagði prestur:

Jesús mettaði 5 þúsund manns með 5 fiskum! Ekki getur þú það, Þórður! Þá svaraði efahyggjumaðurinn:

Það er nú lítið mál. Ég nota bara afganginn frá því á sunnudaginn var! 

[Vilhjálmur Örn Vilhjálmsson, 1.3.2008 kl. 15:15]

Ásgeir, tíminn er krukka og klukkan er dolla(r) og best að vera ekki að eyða krukkum hér á Baldur sem er líklega undirbúa fiskikraftaverk í eldhúsinu og getur ekki tekið þátt í þessu orðverki okkar