Af mögnuðum sárindum mínum!

Ég ætla aldrei að skipta við Glitni oftar og bið ættmenni mín í allar áttir að gera það ekki heldur.  Og báða vini mína. Ég ætla að tala illa um bankann –helst tala gengi hans niður úr öllu valdi.  Vildi helst geta staðið yfir rústum hans.  Ástæðan: Mér var ekki boðið á fyrirlestur Al Gore þrátt fyrir ágengar tilraunir mínar til að komast að.  Svo sé ég hér á blogginu að alls konar jepplingum var boðið meðan ég jeppinn mátti sitja heima.  Og til þess að strá salti í sárin sé ég í sjónvarpi auð sæti í Háskólabíói undir fyrirlestrinum. Mér er ekki skemmt.

Og ég sem er ákafur Goristi og hef verið síðan 1988 þegar hann tapaði útnefningu demókrata fyrir Mikael Dukakis sem Bush eldri rústaði.

Demókratar eru óttalega seinheppnir. Republikanar verða ekki lengi að ganga frá  Obama en fara sér hægt þangað til hann hefur hlotið útnefningu flokks síns.

Athugasemdir

[LKS - hvunndagshetja, 9.4.2008 kl. 11:49]

Þetta er grátlegt og leitt. Ég myndi sko hætta hjá Glitni ef ég væri ekki löngu hætt þar út af einhverju öðru álíka grátlegu og leiðu. Man þó engan veginn af hverju

[Hafsteinn Viðar Ásgeirsson, 9.4.2008 kl. 15:05]

Menn hafa nú hætt að "berjast í bönkum" af minna tilefni Baldur. Þetta er sérlega skammarlegt líka gagnvart jeppanum þínum sem hefði sómt sér svo vel þarna....