Spaugstofukallinn

Nei, sjáðu, þarna er spaugstofukallinn, sagði sonur minn sex ára og benti á Geir Haarde þar sem hann birtist í sjónvarpsfréttunum.  Vöruflutningalögreglubardaginn hafði fangað athygli sonarins sem ætlar að verða spæjaralögga.

Fréttir hafa hingað til ekki vakið áhuga hans. Við horfum hins vegar alltaf saman á spaugstofuna.

Þetta atvik sýnir hvað Örn Árnason er mikill snillingur.  Vekur jafnframt upp ugg um það, hætti spaugsstofan eins og þeir hafa boðað, að börn hætti að þekkja forsvarsmenn þjóðarinnar.

Athugasemdir

[DoctorE (IP-tala skráð) 23.4.2008 kl. 20:03]

 hann er skarpur hann sonur þinn.
Kannski við ættum bara að fá Árna til að leika forsætisráðherra í alvörunni.. það myndi gera miklu meira gagn og skemmtilegra líka

[DoctorE (IP-tala skráð) 23.4.2008 kl. 20:03]

Örn Árna :)

[Anna (IP-tala skráð) 23.4.2008 kl. 20:52]

Örn er MIKLU betri Geir og MIKLU betri Dabbi.  Þeir tveir kumpánar munu aldrei geta sett tærnar þar sem Örn hefur hælana.

[Hafsteinn Viðar Ásgeirsson, 23.4.2008 kl. 21:02]

Hann hittir greinilega naglann á höfuðið drengurinn. Örn er betri forsætisráðherra en Geir....eða þannig sko...

[Haraldur Bjarnason, 23.4.2008 kl. 21:33]

Málið er bara það Baldur að allt látbragð og allar gjörðir helstu ráðamanna þjóðarinnar eru svo farsakenndar að sonur þinn og fleiri eiga orðið erfitt með að greina raunveruleikann frá.