Bann við hatursáróðri- enn af Lars Binderup-

Ég tek eftir því að danski heimspekingurinn Lars Binderup sem Mogginn ræddi við um helgina vill bann við hatursáróðri.  Hann vill einnig bann við mismunun á vinnumarkaði og bæta menntunarskilyrði og efnahag jaðarhópa. Með þessu stígur hann taktinn með meginstraumi mannréttindahugsunar í Evrópu.

Hatusráróður er það þegar beinlínis er hvatt til þess að traðkað sé á ákveðnum hópum.  Það er refisvert samkvæmt lögum nær allra ríkja í Evrópu einnig íslenskum lögum.

Það er hins vegar athugunar virði að  Danir leyfa prentun á hatursáróðri þ.m.t. (nánast) nasistaáróðri.  Þeir eru frjálsyndastir ríkja Evrópu í þessum efnum. Þess vegna er mest af (nánast) nasistaáróðri í Evrópu prentaður í Danmörku.

Miklivægt er að eitt þjóðfélag mæti skoðunum og málflutningi sem litaður er af staðalímyndum og gerir lítið úr fólki eftir uppruna þess eða trú af mikilli hörku.

Athugasemdir

[Johnny Rebel (IP-tala skráð) 26.5.2008 kl. 19:54]

Það er bannað með lögum að "traðka" á fólki eftir hópum sem er rökrétt miðað við að stjórn evrópu er nú í höndum jafnaðarmanna. Ég gæti samt ekki verið meira ósammála því að það ætti að vera bannað að hvetja til þess að svo sé gert. Það er viss skoðun og þeir sem eru á móti henni verða því að tala gegn henni en ekki banna hana. Ef þið viljið banna þá skoðun ættuð þið jafnframt að viðurkenna opinberlega í prentum og ritum að það sé ekki málfrelsi og aðeins ein skoðun á vissum málefnum sé leyfð.

Það er hins vegar rangt að Danir leyfi áróður sem er nánast nasistaáróður. Danir leyfa nefnilega nasistaáróður og engar skorður eru settar við því. Menn eru mjög sjaldan dregnir þar fyrir dóm vegna einhvers sem þeir segja.

Í Þýskalandi er nasistaáróður hins vegar bannaður og allt gert til þess að framfylgja því banni. Þetta veldur því einfaldlega að menn á þessari skoðun fyllast reiði og geta orðið hættulegir samfélaginu.

Ég, fyrir mitt leyti, vil engum banna að tjá sig þótt svo að ég sé ósammála fólkinu eða telji skoðanir þeirra slæmar.