6,1 á Richter -enn í nettu sjokki.

Miklu sterkari hér en skjálftinn um aldamótinn.  Ég steig ölduna á stofugólfinu að í því er viritst í eilífðartíma, sennilega 6-8 sekúndur. Hvinurinn fór vaxandi þann tíma og datt svo niður. Húsið fór beinlínis af stað.  Það sem mér datt í hug var að nú hefði einhvers staðar hrunið.  Núhefði einhver slasast. Ég hljóp út og á leikskólann - öll börn óhult - þar sem voru inni höfðu skriðið undir borð með leikskólakennurunum, stöku barn grét.  Allir í nettu sjokki.  Alls staðar sást fólk flýta sér að vitja barna sinna.

Hjá mér hrundi úr hillum bækur og dót, einn illa festur reykskynjari þeyttist í gólfið. Hef ekki neinar fregnir af meiðslum í Þorlákshöfn. Börnin eru enn með reiðhjólahjálma sína á höfðinu að ráði föðurins sem enn er í nettu sjokki. Hefur aldrei góður verið í jarðskjálftum.

Athugasemdir

[Skúli Freyr Br., 29.5.2008 kl. 17:42]

Allur er varinn góður. Gott að börnin séu með hjálmana á hausnum.

Kveðja úr Danaveldi, þar sem jörðin er föst undir fótum okkar.
Skúli, Sigrún og börn

[Svanur Gísli Þorkelsson, 29.5.2008 kl. 18:27]

Sæll Baldur.

Gott að heyra að þú og þínir eru óskaddaðir. Hefur þú séð eða heyrt einhverjar tilkynningar um skjálftana og viðbrögð við þeim á Ensku eða öðrum tungumálum en íslensku. Er bara hugsað til nýbúa sem á svæðinu búa.

kv,

[Þórhildur Helga Þorleifsdóttir, 29.5.2008 kl. 22:01]

Gott að allir eru hólpnir,- og mikið er ég fegin að búa fyrir norðan ;)  man ekki eftir fyrri skjálftanum 2000 ( svaf þann seinni af mér ) og finnst það alveg nægjanleg jarðskjálftalífsreynsla, dugar mér fyrir lífstíð.  Sonur minn og famelí flúðu upp í Landeyjar.....

[Linda litla, 30.5.2008 kl. 13:09]

Í skjálftanum 2000 þá voru líka upptökin í Holta og Landsveit og þá varð fólk á Hellu og nærsveitum verst úti. Núna er upptökin í Ingólfsfjalli og þá verða Selfoss, Hveragerði og nærsveitir verst úti.

Þetta er alveg hræðlegt þegar að svona náttúruhamfarir ríða yfir.

Voandi er þetta bara búið.