Þeir ráðast að konum þessir djöflar!

Hillary Clinton heldur ræður til stuðnings Obama en sleppir því alveg að sneiða að Söru Palin.  Svo virðist nú sem val McCain á Palin hafi verið afburðasnjallt. Stuðningsmenn Hillary eru aftur farnir að ergja sig yfir meðferðinni á Hillary sem þeir telja sprottna af því að hún er kona. Þegar Demókratar og fjölmiðlar ráðast að Palin rifjast upp fyrir þeim það sem þeir telja hafi verið óréttlát meðferð á Hillary Clinton. Þeir ráðast á konur þessir djöflar.  Þegar McCain er komin yfir í skoðanakönnunum lifnar vonin um að Hillary verði í framboði eftir fjögur ár – enn á besta aldri- en það gerist varla nema Obama tapi kosningunum. 

Forsetaslagurinn hafinn af fullum krafti

Athugasemdir

[Benedikt Sigurðarson, 9.9.2008 kl. 08:31]

Hef lesið pistla Paul Krugman í NYTimes og fleiri sem voru hallir undir Hillary og Clinton-stjórnina  áður.  Las líka bók Obama The Audacity of Hope.

Verð að viðurkenna að það kæmi mér á óvart ef Obama nær að vinna kosningarnar - til þess er hann of óskýr og hefur beinlínis ruglað fólk í ríminu með því að afneita hefðbundnum áherslum til miðju og vinstri - með félagshyggju í forgrunn.  Hann er líka að rugla með það að menn í ríminu með því að breiða yfir þann mun sem hefur á síðustu árum orðið skarpari í raun  - á milli Republicans and Democrats og þeirrar pólitíkur sem þeir reka.

Bush stjórnin er auðvitað búin að ganga lengra til að dekra auðmenn og yfirgangsseggi en lengstaf hefur tíðkast í USA af hálfu forseta síðustu 50 ára.

Held að sá óróður sem Obama og hans fólk beitti gegn Hillary - muni hitta þá harkalega sjála  - - þó Palin sé sannarlega allt önnur tegund af pólitíkus og framakonu heldur en Hillary.  Þar er jú mikill munur á - - - en þær eru konur og að þeim er ráðist að hluta með sömu rökleysum og fordómum