Samræmdan tíma takk!

Ég er eins og draugur í dag eftir að hafa horft á Palin –Biden í nótt og mér fannst Biden frábær.  Palin fannst mér standa sig illa – var orðmörg og klisjukennd og svaraði ekki spurningum og svo er ég auðvitað ósammála henni í skoðunum. Palin hefði alveg átt heima í eldhúsdagsumræðunum hér heima hefði sómt sér þar vel við hliðina á mörlandanum.  Var ekki verri en það.  Steingrímur Sigfússon var bestur að mínu viti í umræðunum hér – sýndi virkilega þjóðarleiðtogatakta.  Geir Haarde á við tengslavanda að stríða.  Augun kvika vandræðalega yfir salinn þegar hann lítur upp úr handriti sínu. Getur enginn sagt honum að horfa fast á punkt yfir dyrunum andspænis?

Að lokum legg ég til að tíminn í heiminum verði samræmdur. Það er nauðsynlegt á tímum alþjóðavæðingar –svo maður þurfi ekki að vaka svona!

Athugasemdir

[Gísli Baldvinsson (IP-tala skráð) 3.10.2008 kl. 13:15]

GHH er góður embættismaður! Segir ekkert um hann sem stjórnmálamann.

[Grétar Magnússon (IP-tala skráð) 3.10.2008 kl. 13:30]

Þú lýkur setningunni um Palin á þessum orðum: ,,og svo er ég auðvitað ósammála henni í skoðunum."  Er þetta ekki lykillinn að því sem þú ert að segja á undan ?  Ég get ekki séð að menn horfi hlutlaust á kappræður þegar þeir eru klárlega ósammála öðrum kappræðumanninum fyrirfram.

[Baldur Kristjánsson, 3.10.2008 kl. 14:20]

Sæll Grétar! Ég var einmitt að hinta að því. Maður er fórnarlamb sjálfs sín! kv.

[Ásta Kristín Norrman, 3.10.2008 kl. 15:16]

Mér líst vel á tillöguna um alþjóðartíma. Auðvitað mundum við miða hann við Greenwich svo Japanir verða bara að sætta sig við að sofa í birtu og vaka í myrkri.