Smáríkjasyndrómið!

Við sem störfum í mannréttindageiranum höfum löngum orðið vör við hvað íslenskir ráðamenn eiga erfitt með að taka ráð erlendis frá. Ég held því reyndar fram að þetta sé smáríkjasyndróm. Eftir því sem ríki er minna er það viðkvæmara fyrir gagnrýni, líklegra til að telja allt í góðu lagi og hneigist til að líta á ráðleggingar og leiðbeiningar sem móðganir eða óþarfa smámunasemi.  Íslensk stjórnvöld móðgast ekki en láta sér fátt um finnast.

Þetta kemur í hugann nú þegar margreynt er að íslensk stjórnvöld tóku lítið mark á ráðleggingum erlenda sérfræðinga í efnahagsmálum.  Þannig var skýrslu Willem Buiters og Anne Sibert stungið undir stól 11. júlí sl. og aðvaranir og ráð erlendra talin léttvæg og oftar en ekki sprottin af annarlegum hvötum.  Þetta er greinilegt smáríkjasyndróm, sprottið upp af minnimáttarkennd.

Við þurfum að ganga í skrokk á okkur með þetta.

Athugasemdir

[Sigrún Jóna (IP-tala skráð) 15.10.2008 kl. 08:55]

Þeir hefðu ekki átt að stinga þessari skýrslu undir stól.

En margt sem mannmargar þjóðir gera eða gera ekki, hentar ekki smáþjóðum (okkur). Og við eigum að líta á okkur sem smáþjóð, því við erum það.

Ég lít ekki á þetta sem minnimáttarkennd, heldur raunsæi.

En umfram allt, að fara að ráðum sérfræðing, hert sem þjóðerni þeirra er.

[Sigurður Þórðarson, 15.10.2008 kl. 09:11]

Það var illa gert að vera að trufla stjórnmálamenn með svona skýrslu á annasömum tíma.  Þeir voru að hugsa um öryggisráðið.

[Sólveig Hannesdóttir, 15.10.2008 kl. 19:00]

Sæll Baldur.

   Það sem ég er sammála þér, þetta er að verða okkur fjötur um fót í samskiptum við önnur lönd.  Við erum illa haldin af þessu syndromi. Mér datt einnig í hug þegar ég var í Osló á dögunum, að við værum ennfremur haldin Haraldar Hárfagrasyndromi.  Við erum enn svo tortryggin á aðstoð erlendis frá, og tökum ekki sönsum fyrr en í óefni er komið.

[Jón á Bala (IP-tala skráð) 16.10.2008 kl. 10:38]

Þegar skýrslan kom var tíminn liðinn.  Ekkert að gera annað en að vona hið besta, treyta á Guð og lukkuna, biðja, blekkja sparifjáreigendur í fleiri löndum til að leggja inn - og hætta að lesa þessa skýrslu.

[Guðmundur Guðmundsson (IP-tala skráð) 17.10.2008 kl. 13:21]

Í hvaða mannréttindageira starfar þú sr. Baldur?

[Baldur Kristjánsson, 17.10.2008 kl. 14:00]

Sæll! ECRI, European Commission against Racism and Intolerance, sérfræðingur tilnefndur af Ísland hálfu síðan 1997. Ólaunað aukastarf. Sjá: http://www.coe.int/T/E/human_rights/Ecri/1-ECRI/ kv. B