Að setja sig í spor hinna gleymdu og fátæku!

Heimurinn er sárafátækur. Markaðskerfið hefur langt í frá gert alla bjargálna. Ekki einu sinni flesta hverja. Víða á stórum landssvæðum jarðar er fólk og aftur fólk sem á ekki til hnífs og skeiðar. Efnahagskreppan í heiminum bætir ekki hag þessa fólks.  En það segir sína sögu um okkur að á tímum uppsveiflu og velmegunar hirtum við eins lítið og við gátum um þá sem lítils mega sín í heiminum og vorum við t.d. miklir eftirbátar Skandinava og Dana í aðstoð við þróunarríki. Sjálf rákum við upp ramakvein þegar okkur fannst heimnurinn hafa gleymt okkur.  Við ættum því núna að vera ofurlítið betur í stakk búin en áður að setja okkur í spor hinna gleymdu og fátæku. Við tilheyrum þó enn þeim ríku og betur settu.  Sameinuðu Þjóðirnar minna á að

·        1.4 milljarður manna lifir á minna en 1.25 Bandaríkjadal á dag.

 

·       Ein kona deyr á hverri mínútu á meðgöngu og af barnsförum.

 

·        Um 40 milljónir manna eru sýktar af HIV/Alnæmi.

 

·        1.2 milljónum milljóna Bandaríkjadala er varið til vopnakaupa, en hins vegar er ekki hægt að finna þá 18 milljarða Bandaríkjadala sem þarf til að fjármagna núverandi fyrirheit auðugra ríkja um þróunaraðstoð.

 

·        Fyrir hvern einn Bandaríkjadal sem þróunarríki fær í þróunaraðstoð, fer fjórðungur eða 25 sent í að standa undir afborgunum af erlendum lánum.  

 

Athugasemdir

[Teitur Atlason (IP-tala skráð) 17.10.2008 kl. 19:28]

Hvað ætli sé hægt að bjarga mörgum mannslífum fyrir ofurlaun prestastéttarinnar?

[Baldur Kristjánsson, 17.10.2008 kl. 21:14]

Ég veit það ekki Teitur minn!  Ert þú ekki guðfræðingur? Kv. B

[baddi (IP-tala skráð) 17.10.2008 kl. 22:39]

Þið prestar eruð með svipuð laun og æðstu stjórnendur innan ríksins, getið þið ekki talað við kjararáð og látið setja eins og 20% (til dæmis) til þeirra sem minna mega sín? Ef þið mynduð gera það, þá væruð þið "bara" með svipuð laun og stéttir með sambærilega menntun.