Að sóa orkunni!

Það dregur orku úr einni þjóð að vera sífellt að berjast á móti óhjákvæmilegri þróun. Hvað margir metrar af ævistarfi hafa ekki farið í það að berjast á móti því að menn flyttu suður? Fjölmennir hópar berjast gegn auknu samstarfi okkar innan Evrópu og upptöku evru, hvortveggja óhjákvæmilegt. Hópar manna berjast gegn innflutningi á landbúnaðarrvörum og svo mætti telja í það óendanlega.

Og nú heimta menn hver í kapp við annann nýtt Ísland á meðan þeir sem hafa töglin og haldirnar eru byrjaðir að teppaleggja út í hvert horn.

Athugasemdir

[Hafsteinn Viðar Ásgeirsson, 18.10.2008 kl. 09:00]

Þeir eru nú svo innisnjóaðir í baráttunni sumir Baldur, að ég hitti t.d. einn innmúraðan á förnum í gær sem bölsótaðist hinn versti útí EES samninginn. Jú og ástæðan var að ef hann hefði ekki verið gerður hefðu bankarnir aldrei orðið stórir.

Á þeim bæ þykir nærtækara að bölsótast útí regluverkið sem gerði þetta mögulegt en þá sem voru að stjórna landinu og klikkuðu á að halda í skottið á bönkunum, með bindiskyldu og ýmsu öðru eða með því að taka upp evru meðan við vorum í stöðu til þess.

[Magnús Sigurðsson, 18.10.2008 kl. 09:05]

Þeir teppalögðu fyrir sægreifana suður en eru ekki tilbúnir til að teppaleggja út fyrir sitt áhrifasvæði.  Nú verður að nægja að breiða yfir blettina.

[Vignir Arnarson, 18.10.2008 kl. 14:07]

ELSKUM FRIÐINN OG STRJÚKUM KVIÐINN.............

MEÐAN ENN ER EITTHVAÐ Í HONUM............