Mannréttindadómstóllinn!

Um þessar mundir eru tíu ár síðan  mannréttindadómstóllinn í Strassborg fór að starfa að fullum krafti.  800 miljónir Evrópubúa þ.mt. Íslendingar eiga í honum neyðarhnapp þegar nálægðin verður of mikil heimafyrir til þess að réttindi einstaklinga séu nægilega virt. Íslendingar hafa þarna unnið merka sigra gegn ríkisvaldi. Dómstóllinn dæmir á grundvelli Mannréttindasáttmála Evrópu, einkum og sérílafgi viðauka nr. 12 sem bannar hvers konar  ómálefnalega mismunun í einu samfélagi og Íslendingar hafa skrifað undir en ekki gert að sínu að öðru leyti. Það mætti vera umhugsunarefni mannréttindasinna m.a.. feminista. Þá mættu menn athuga hvort íslensk stjórnvöld hafi lagt til dómstólsins eins og eðlilegt er eða hvort við erum þarna eins og víðast hvar fremur þiggjendur en veitendur. Dómstóllinn sér ekki fram úr verkefnum.  Málin hrannast upp.

Athugasemdir

[Vigdís Eva (IP-tala skráð) 4.11.2008 kl. 08:04]

Bara svo þú vitir þá heitir dómstóllinn Mannréttindadómstóll Evrópu. (European Court of Human Rights) og hann dæmir í málum er varða brot á Mannréttindasáttmála Evrópu en Evrópudómstóllinn (European Court of Justice) er hluti af ESB-réttinum.

 Bara svo fólk haldi ekki að við getum átt aðild að dómsmálum fyrir Evrópudómstólnum. Til þess höfum við EFTA-dómstólinn. :)

[Baldur Kristjánsson, 4.11.2008 kl. 08:35]

Þakka fyrir athugasemdina.  Lagaði þetta.  Þetta var ónákvæmt hjá mér. Var einfaldlega ekki með EFTA dómstólinn í huganum. Hvaða dómstól átt var við var hins vegar augljóst af samhengi. En hann heitir Mannréttindadómstóll Evrópu eða European Court of Human Rights .  Rétt skal vera rétt.
Hver er annars Vigdís Eva svo yfirlætisfull að byrja athugasemdina:  Bara svo þú vitir......?  Nær maður árangri með svona yfirlæti?  Kv. B

[Baldur Kristjánsson, 4.11.2008 kl. 15:07]

Gott mál. Takk.  kv. B