Hvar er Agnes núna?

Maður les að hinir og þessir valdahópar, sem sagðir eru hafa auðgast á því að selja lífsbjörgina frá fólkinu sumir hverjir og eru auðvitað á móti ESB sem myndi auka hér réttlæti og stemma stigu við spillingu og klíkuskap séu að bera víurnar í Morgunblaðið og allir vita að blöð á Íslandi eru notuð í pólitískum tilgangi helst flokkspólitískum.

Ég spyr:  Af hverju getum við lesendur ekki eignast Morgunblaðið? Getur ekki einhver skipulagt það?  Hvar er Agnes? Þegar öllu er á botninn hvolft erum það við sem höldum blaðinu uppi – kaupendur og lesendur.  Ef Mogginn kemst í hendurnar á þeim sem seldu kvóta úr byggðarlagi og hafa einhverja slíka slóð að verja þá er ég farinn og geri Færeyjartíðindi að mínu blaði.

Athugasemdir

[Sigvaldi Eggertsson (IP-tala skráð) 4.12.2008 kl. 15:15]

Bæði Dimmalættingen (www.dimma.fo) og Sósilalurinn (www.sosialurin.fo) eru ágætis blöð en ég veit svo sem ekki hverra hagsmunum þau þjóna.

[Carlos Ferrer (IP-tala skráð) 4.12.2008 kl. 16:40]

Them being fighting words ... sem ég tek heilshugar undir. Hvernig er þín færeyska, Baldur?

[Jón Ragnar Björnsson, 4.12.2008 kl. 23:41]

Mjög sammála þér, Baldur.

Nú stendur upp á ríkið = okkur að tryggja frjálsa og óháða fjölmiðlun.

RÚV er eini fjölmiðillinn sem kemst nálægt því. Hann þarf að efla. -Og það er nauðsynlegt að koma á bloggsvæði á RÚV vefnum, því ekki er á vísan að róa með Moggann.

Mér rennur kalt vatn milli skinns og hörunds þegar sagt er frá "fjárfestum", sem íhuga kaup á Mogganum.

Hverjir? Í hvaða tilgangi?