Nú, þegar fólkið grætur.......!

Það liggur við að mér finnist að Sjálfstæðisflokkurinn ætti að sjá sóma sinn í að bjóða ekki fram í næstu kosningum eins hrapallega og honum hefur mistekist við stjórn landsins síðustu árin. Þetta eru örugglega allt saman ágætis fólk en hefur sogið á sér nýfrálshyggjuputtann í mörg ár eins og snuð og reynir nú að leggja hvern steininn á fætur öðrum í götu ríkisstjórnar Jóhönnu Sigurðardóttur sem leggur nótt við dag ásamt samráðherrum sínum að ná tökum á ástandinu eitthvað sem ekki gekk í eftirhrunsstjórn Geirs Haarde.  En þeir ættu að sjá sóma sinn í að gefa þessari stjórn þokkalegan starfsfrið. Nú, þegar fólkið grætur, eru engir tímar fyrir ábyrgðarlausa stjórnarandstöðu.  Þessir strákar – því að strákar eru þetta mest, ættu að fara út á land í fiskvinnu og þrasa þar við færibandið engum til tjóns því að stjórnvitringar eru þeir ekki.

Og það sama ætti auðvitað að gilda um Framsókn.  Miðað við höfðatölu ber sá flokkur mesta sök á því hvernig komið er. Nú er þeirra meginmál að sjá til þess að framtíðarseðlabankastjóri þurfi ekki að vera hagfræðingur – væntanlega til þess að hann geti verið lögfræðingur eða fyrrverandi formaður – eða þá búfræðingur.

Athugasemdir

[Njörður. (IP-tala skráð) 12.2.2009 kl. 10:23]

Sjálfstæðisframsóknarmenn væru best geymdir eða hafðir í Smugunni eða í úthafsveiðum til að sækja fisk úr sjó til að bjarga landi og þjóð úr þeim ógöngum sem þeir og gæðingar á þeirra vegum leiddu okkur í.

Það þarf að stinga út þann skríl sem þeir réðu til stórnunar hér á landi á.

[nátthrafn (IP-tala skráð) 12.2.2009 kl. 10:24]

Mikið skelfilegt væl er þetta. Ef stjórnarflokkarnir væri samstiga í aðgerðum sínum og kynnu nægilega vel til verka þyrftu stuðningsmenn þeirra varla að kvarta. En þessu er ekki að heilsa. Annars er athyglisvert að lesa það hér að andstæðingar tiltekinnar stjórnarstefnu ættu einfaldlega ekki að sitja á þingi. Hvað eru slíkar hugmyndir nú aftur kallaðar?

[nátthrafn (IP-tala skráð) 12.2.2009 kl. 10:35]

Vek athygli máli mínu til stuðnings á því sem sem segir á amx.is um stjórnsýsluafglöp Jóhönnu. S.

[Jón Sigurðsson, 12.2.2009 kl. 10:43]

Þessi hugmyndafræði sem þú kynnir til sögunnar að einn og jafnvel tveir flokkar ættu ekki að bjóða fram hugnast mér lítt. Það er eitthvað ógeðfellt við þetta. Ef mér líkar ekki við eitthvað þá á það ekki rétt á sér. Finnst þér þetta í raun og veru. Það er gæfulegra að fyrirgefa þeim sem vissu ekki hvað þeir gjörðu og dæma þá sem  á sannast sök. Vík burt Sjálfstæðisflokkur, vík burt Framsóknarflokkur þá liggur brautin bein og breið fyrir Vinstri græna og Samfylkingu. Ef þetta er lýðræðið sem þú vilt sjá þá segi ég einfaldlega "Guð hjálpi þér og landinu öllu"

[Jón Sigurðsson, 12.2.2009 kl. 10:53]

Fyrirgefðu yfirganginn í mér en mig langar bara að minna þig á falleg orð sem þú hafðir yfir að mig minnir árið 2005. Þessi orð eru okkur kristnum mönnum mikilvæg " Allt sem Jesú gerir og segir er innblásið af ást og kærleika og virðingu fyrir fólki, ekki bara sumu fólki, heldur öllu fólki, hverri og einni manneskju."

[Baldur Kristjánsson, 12.2.2009 kl. 11:03]

Passið ykkur ágætu menn: Ég segi...,,það liggur við að mér finnist" þetta er mjög mikilvægur fyrirvari. Hvað blindaði þig kæri Jón og ágæti nátthrafn sem ert náttúrulega ósofinn? Þess utan- en við erum ekki að tala um það hér, getur lýðræði dafnað þó að tilteknir flokkar bjóði ekki fram. það höfum við dæmi um frá Tyrklandi og Sovértríkjunum og fjöldamörgum fleiri ríkjum. Aðrir koma þá og fylla upp í rýmið sem þeir skilja eftir.

[Baldur (IP-tala skráð) 12.2.2009 kl. 11:10]

AMX.is !!!  Er þetta grín? Það var líka örugglega hægt að finna gagnrýni á hægri menn í Alþýðublaðinu sáluga. Álíka markvert.

[EE (IP-tala skráð) 12.2.2009 kl. 11:17]

Jú, jú, strákarnir mega fara út á land.  Gæfulegra væri að eldri og oftast vitrari menn stýrðu landinu.  Hyllingin á strákunum voru mistök.  Og allt fór í kaldakol.

EE elle

[Guðbjörg Elín Heiðarsdóttir, 12.2.2009 kl. 11:25]

Baldur ég er hjartanlega sammála þér, og þar hefur Framsókn alveg jafnt skapað það ástand sem orðið er í dag í þjóðfélaginu okkar. Þetta er algjör skömm. Þegar maður er farin að færa börnunum sínum sem eru komin með fjölskyldur, smábörn, fisk og kjöt ,því þau eiga ekki orðið fyrir mat ofan í börnin sín eða sig. Ég veit ekki hvar þetta endar, það er ekki hægt að merkja það að eitthvað sé að gerast fyrir fólkið í landinu inná Alþingi, fólkið okkar er að gefast upp. Og þeir þrasa og þrasa og rífast um völd þessir kjánar á Alþingi. Þeir ættu að skammast sín, ef þeir þá kunna það.

[Jón Sigurðsson, 12.2.2009 kl. 11:27]

Svo ég passi mig þá liggur við að mig langi að segja að lýðræðið í fyrrum Sovétríkjunum og Tyrklandi séu nú ekki heppilegt dæmi sem þú grípur til og  síst til þess  fallið að renna sterkum stoðum undir það sem þér er ofarlega í huga svo hæstvirt Jóhanna geti hagað sér sem henni best hentar.

[Guðbjörg Elín Heiðarsdóttir, 12.2.2009 kl. 11:27]

Nátthrafn, langar að benda þér á það að þetta er ekkert væl sem Baldur segir hér. Og hafðu það.

[Baldur Kristjánsson, 12.2.2009 kl. 11:33]

Ekki gera of lítið úr Tyrklandi Jón! Við gætum ýmislegt af þeim lært. Stjórnmálaflokkar lifa og deyja og aðrir koma í staðinn - varist að bindast þeim andlega um of. Tek undir með Elínu: Þessi síða er ekki fyrir neina vælukjóa - ekkert væl - og engar móðganir takk - . Kv. B

[Ragnar Gunnlaugsson, 12.2.2009 kl. 11:40]

Er það eina von vinstrimanna að Sjálfstæðisflokkurinn bjóði sig ekki fram.

[Baldur Gautur Baldursson, 12.2.2009 kl. 13:12]

Vel mælt nafni. Líklega best að þessi meinti "sjálfstæðis"flokkur bjóði ekki fram í næstu kosningum. Best kannski að hann bjóði ekki fram aftur, yfir höfuð. Framsóknarflokkurinn á sjálfsagt líka að hypja sig af þingi, því ábyrgð þeirra er heldur ekki lítil.

Líklega ættu íhaldsmenn í dag að stofna nýtt hægriafl í landinu og bjóða fram undir nýju merki "gammsins" eða "krákunnar" því það myndi líklega sýna best hið rétta eðli flokksins. Burt með spillinguna!

[Flosi Kristjánsson, 12.2.2009 kl. 13:17]

Þegar sterkir stjórnmálaleiðtogar hverfa af vettvangi, til dæmis vegna veikinda, þá er gósentíð hjá andstæðingunum. Núna er harmur kveðinn að krötum, þegar kjarnorkukonan Ingibjörg Sólrún er fjarri vegna erfiðra veikinda. Áður hefur það gerst að það hafi eflt hag lítilla stjórnmálaflokka að öflugur andstæðingur hvarf af sviðinu.

Aldrei hef ég séð vanmátt þeirra, sem ætíð eru í brekkunni, birtast með skýrari hætti en í þessum orðum: "Það liggur við að mér finnist að Sjálfstæðisflokkurinn ætti að sjá sóma sinn í að bjóða ekki fram í næstu kosningum"

Er þetta hið nýja lýðræði? Nýja-Ísland? Samræðustjórnmál?

Mikil gæfa er það hver lítið mark er tekið á okkur ruglukollunum sem láta móðan mása hér á mogga-blogginu!

[Baldur Kristjánsson, 12.2.2009 kl. 13:29]

Maður má ekki taka sjálfan sig of alvarlega Flosi, hvorki þú eða ég. Annars er undierliggjandi í þessu hjá mér óttinn um að gamli fjórflokkurinn hreiðri um sig sem aldrei fyrr og ekkert breytist í lýðveldinu. Er ekki betra að vera í þeim gír heldur en að gíra sig upp í einhverja varðstöðu. það eru alltaf nógu margir í henni? Kv, B

[halkatla, 12.2.2009 kl. 15:15]

"Sjálfstæðisflokkurinn ætti að sjá sóma sinn í að bjóða ekki fram í næstu kosningum eins hrapallega og honum hefur mistekist við stjórn landsins síðustu árin."

Guð hvað ég er sammála þér!!! en þau vilja greinilega láta skömm sína lifa um eilífð, þau rugla henni saman við sóma

og þetta er bara frábær pistill - að mestu - ég get reyndar ekki vonað útí bláinn að þetta sé upptilhópa ágætis fólk, því ég held einfaldlega að það sé eitthvað mjög mikið að þeim hverju og einu (sum alltaðþví að vera gjörsamlega siðblind og hættuleg), með örfáum undantekningum. Kjósendur þeirra gef ég yfirleitt ekkert fyrir og skammast mín ekkert fyrir að hafa skynsemina í það. Ég sóa ekki smjaðri í eitthvað kjaftæði bara til að þóknast fólki sem sér ekki raunveruleikann.

[halkatla, 12.2.2009 kl. 15:16]

og já, ég tek það mjög alvarlega að kjósa og lifa, það má því segja að ég taki sjálfa mig mjög alvarlega, ef það móðgar einhvern þá finnst mér það bara sætt

[nátthrafn (IP-tala skráð) 12.2.2009 kl. 15:46]

... engar móðganir takk, segir guðsmaðurinn. Ekki veit ég hvað honum finnst um þetta fínerí sem Anna Karen ber hér á borð. Sjálfur talar hann um stráka sem séu bara strákar og fólk sem hefur sogið á sér nýfrjálshyggjuputtann í mörg ár, en þetta eru auðvitað bara gömlu eineltisblammeringarnar sem notaðar hafa verið á stuttbuxnadeildina í Sjálfstæðisflokknum árum saman og geta auðvitað ekki talist móðgun við neinn og allrasíst þessi þrjátíuprósent sem kjósa téðan flokk, seisei nei. Rétt er það Baldur, aðgát skal höfð í nærveru sálar.

[Soffía (IP-tala skráð) 12.2.2009 kl. 16:02]

Það er barnalegt að kenna Sjálfstæðismönnum um það að þessi stjórn komi engu í verk. Sannleikurinn er sá að þessi ríkisstjórn ræður villa við verkið sem þeir hafa tekið að sér. Þá er nú gott að hafa "barn til blóra" þegar þeir eru búnir að átta sig á því að sennilega var þetta meira mál en þeir reiknuðu með. Enda sést það á þingmönnum Samfylkingar sem halda sig að mestu til hlés - fyrir utan Jóhönnu - því þeir vita að þeir ráða ekki við ástandið og vilja ekki láta það skemma fyrir sér í næstu kosningum. Hefðu betur sparað stóru orðin! Inn á alþingi kemur fram að þessi stjórn er að vinna í 3 frumvörpum og tvö þeirra voru komin til vinnslu áður! Allt púðrið fer í það að henda út fólki úr bönkum, nefndum, stjórnum, ráðum og valdastöðum og koma "sínu" liði að. Og þá er ekki verið að hugsa um hvort einhver er hæfur eða ekki.... það er bara að vera réttu megin í pólitík. Eitt enn sem varla er hægt að minnast á ógrátandi en það er paranoja þessa fólks út af Davíð Oddsyni! Er það nú svo brýnt, NÚNA, meðan allt skíðlogar í samfélaginu að eyða svo miklum kröftum og tíma í það að henda DO út úr Seðlabankanum? Er honum hvort eð er ekki stjórnað af AGS? Hefur þessi stjórn EKKERT betra við tímann að gera?

[Anna Benkovic Mikaelsdóttir, 12.2.2009 kl. 16:07]

Góður Baldur

[Aðalbjörg Tryggvadóttir (IP-tala skráð) 12.2.2009 kl. 16:51]

Mér finnst varla hægt að kalla Sjálfstæðisflokkinn venjulegan stjórnmálaflokk lengur. Þetta eru í raun hagsmunasamtök sem berjast nú fyrir þann tiltölulega fámenna hóp sem efnaðist og komist til metorða undir hans stjórn.  Því miður virðist stór hluti kjósenda flokksins ekki gera sér grein fyrir þessu.  Hvaða flokk ætli útrásarvíkingarnir hafi kosið undanfarin ár og hvað ætli þeir kjósi í vor?  Vinstri græna kannski?

[Jakob Þór Haraldsson (IP-tala skráð) 13.2.2009 kl. 11:17]

Ég hef ákveðið að fylgja eftir þessari FRÁBÆRU hugmynd þinni og ég hef nú þegar lagt inn TILBOÐ í Sjálfstæðisflokkinn - í gegnum FRÍMÚRARAREGLUNA bauð ég 400 milljónir í DRASLIÐ og ég bauðst einnig til að sjá um FRAMFÆRSLU Davíðs, Hannesar og 50 annara einstaklinga sem eru á RÍKISSPENNANUM.  Mjög líklegt að gengið verði að þessu tilboði, þ.e.a.s. um leið og ég bauðst til að sjá um "velferð gömlu gæðinga flokksins" varð ég var við að SKRIÐUR komst á málið.

Gjaldkeri Sjálfstæðisflokksins vildi fá staðfestingu á að ég ÆTTI pening fyrir kaupum á ÞROTABÚI SJÁLFSTÆÐISFLOKKSINS.  Ég opnaði þá bara eina af bankabókum mínum sem ég er með á Tortola eyjunni- um leið og hún sá að AUÐUR minn (þjóðarinnar) var tilstaðar á eyjunni góðu þá félumst við í faðma!  Ég passaði mig allan tímann á þvi að "bjóða Sjálfstæðismönnum ekki upp á VÍNBER" - í ljósi þess að MIKKA REF (Bláa höndin) fannst "vínberin SÚR" sem Jón Ásgeir bauð Davíð!  Ég er í góðum félagsskap hérna á Tortola eyjunni - fullt af SIÐBLINDUM skíthælum - peningafíklum og nóg af seðlum.  "Can yOu believe it - they are not going to pay....:)" - "helvítis fokking fokk....:)".

kv. Heilbrigð skynsemi

[Hafsteinn Viðar Ásgeirsson, 13.2.2009 kl. 18:51]

Er Mogginn innifalinn Jakob eða þarftu að "kaupa" hann sér?

Fínn pistill Baldur og kveðja úr Norge.