Eftirsjá að Ingibjörgu Sólrúnu!

Ítarefni við ræðu Ingibjargar ætti að vera grein guðfræðinganna átta þar sem fjallað er um siðrof í islensku samfélagi.  Ræða Ingibjargar var góð eins og búast mátti við. Það er mikil eftirsjá af Ingibjörgu í íslenskum stjórnmálum.  Hún var einn hæfasti stjórnmálamaður aldamótaáranna. Ingibjörg Sólrún talar eins og vitiborin manneskja og getur stjórnað líka.  Hún reiddi hátt til höggs og ætlaði að hnekkja veldi íhaldsins á Íslandi og hefur síðan hún akvað að fara úr borgarstjórastól yfir á Alþingi orðið fyrir hörðum árásum. Munurinn á henni og Davíð, þó bæði væru sterk, var að menn lyppuðust niður fyrir Davíð (Framsóknarmenn t.d.) en þorðu í Ingibjörgu, konuna.

Siðrof í íslensku samfélagi

Athugasemdir

[Óskar Helgi Helgason (IP-tala skráð) 28.3.2009 kl. 15:20]

Heill og sæll; Síra Baldur !

Á þetta flím þitt; að vera gaman, eða þá alvara ?

Ingibjörg Sólrún Gísladóttir er einhver mesta ókind; hverja finna má, í mínum frændgarði, klerkur góður, og ætti að refsa grimmilega, ásamt þeim ÖLLUM hinum, hver stuðluðu, að þjóðfélagshruni okkar, sem mannlífs.

Gerir þú þér grein fyrir; hvað ómennin, sem hér hafa farið með völd, allt of lengi, hafa skaðað land og fólk og fénað allan, klerkur ?

Það mun taka aldir; ef ekki meir, að bæta úr þeim skaða, sem þetta fólk hefir valdið, til lands og sjávar.

Með; sæmilegum kveðjum þó, úr Hveragerðis og Kotstrandarsóknum /

Óskar Helgi Helgason   

[EE elle (IP-tala skráð) 28.3.2009 kl. 22:21]

Fullt af stórkostlegum pisltlum hefur´ðu skrifað Baldur og sem ég er oftast sammála.  Hinsvegar kunni ég aldrei að meta ISG og fannst óþolandi þegar hún mismunaði fólki vegna aldurs í Utanríkisráðuneytinu í nóv. sl.  Það hlýtur að hafa varðað við lög og ef ekki er þar bara einn veiki hlekkurinn enn í lögum landsins.  Ef það var ekki ólöglegt var það allavega rotið og spillt.  Fyrst eftir fall bankanna var ég óviss um hvort endilega allir í ríkisstjórninni ættu að víkja.  Það var þó að mínum dómi ófært að nokkur í ríkisstjórninni sæti lengur, eftir að Seðlabankastjórunum og forstöðumanni FME var vikið. 

[Óþekkur (IP-tala skráð) 28.3.2009 kl. 23:35]

Ingibjörg líður náttúrlega fyrir illa dulið hatur sitt á DO. Ekki hjálpar henni það að skipa í stöðu sendiherra besta vin sinn í gegn um tíðina. Hún hefur alltaf elt DO í pólitík og það hefur háð henni. Eftirlíkingar verða aldrei jafngóðar. Það ættu prestlærðir menn að vita

[Hilmar Gunnlaugsson, 29.3.2009 kl. 00:36]

Tek undir að leitt verður að hafa ekki Ingibjörgu lengur í stjórnmálunum

[Baldur Hermannsson, 29.3.2009 kl. 08:19]

Hvað ertu nú að rugla, klerkur minn? Þeir sem hjóluðu í Sollu voru hennar eigin samherjar, langþreyttir á yfirgangi hennar og einræðistilburðum. Leitt að hún skyldi hrekja úr flokknum þeirra langskásta mann, Gunnar Svavarsson.

[Baldur Kristjánsson, 29.3.2009 kl. 10:07]

Þetta er einvala lið sem hérna kommenterar!  það gleður mitt gamla hjarta.  Öll erum við nú undir þá sök seld að hrífast mismunandi mikið af einstökum stjórnmálamönnum. þannig er það bara og er heilbrigt ef maður gerist ekki of mikill fylgissauður. Kv. Baldur

[Hafsteinn Viðar Ásgeirsson, 29.3.2009 kl. 12:38]

...og ótrúlegt sem það er, enn ná menn að draga Davíð Krist Oddsson í umræðuna hér.