Skírdagur og íslensk spilling!

Líður á Dymbilviku.  Í dag, Skírdag , er dagur síðustu kvöldmáltíðarinnar.  Heilagur dagur í vitund kristinna manna um víða veröld. Jesú brýtur brauðið og gefur lærisveinum sínum og þeir bergja allir af  sama bikar.  Hvortveggja tákn þess að öll erum við á sama báti og okkur ber að deila með öðrum, sýna samhug, samkennd, vinarhug. Við erum jafningjar, enginn er öðrum æðri, enginn merkilegri en annar. Enginn á að njóta forgangs í krafti fjármuna, klíku eða neinnar annarrar ómálefnalegrar ástæðu. Öll erum við, samkvæmt kristinni hugsun, jöfn fyrir Guði og það á og skal endurspeglast í lýðræðissamfélaginu. Skoðum það hvernig íslenskt spillingarsamfélag þróaðist fram að hruni með táknrænan boðskap atburða Skírdagsins í huga. Reynum svo að rísa úr öskustónni. Reynum að byggja upp gagnsætt,spillingarlaust samfélag þar sem allir sitja við sama borð.

Athugasemdir

[Jakob Þór Haraldsson, 9.4.2009 kl. 14:02]

Rétt kæri félagi, við erum ÖLL GUÐS BÖRN og KÆRLEIKURINN á að vera okkur vegur fram á við.  Okkar faratæki á að vera sannleikurin, og svo sakar ekki að hafa húmor fyrir þeim erfiðleikum sem GUÐ leggur á okkur.  Okkar takmark á að vera að láta "ávalt gott af okkur leiða" að byggja upp í heiminum fjölskylduvænt & mannlegt samfélag, bræðralag fólks, þar sem við hlúum hvert að öðru.  Markmið okkar á ekki að vera það að verða "ríkasta líkið í kirkjugarðinum".  Þegar GUÐ fjallaði um SIÐFERÐI þá sat ég (Heilbrigð skynsemi) á fremsta bekk, en ég tók eftir því að fjöldi fólks var þá fjarverandi og stóð á bak við skilningstréið!  Ég nefni enginn nöfn en mér sýndist ég sjá þarna Júdas, 30 útrásar skúrka, Hitler og fjölda fólks sem taldi það engu skipta þó það missti af nokkrum kennslustundum hjá GUÐ. 

Þessir einstaklingar gerðu góðlátlegt grín af mér þegar ég kvartaði undan því við þá að þeir væru ekki alveg að meðtaka boðskap frelsarans....  Það eina sem þetta lið heyrði frá GUÐI var: "ég gef ykkur frjálsan vilja...." & bingó þetta lið hvarf á braut með þá vitneskju eina í farateksinu.  Það fékk sem sagt "frítt spil" og fór í það að byggja upp "spilaborgir", á meðan var ég í borg Davíðs & er það í raun ennþá þó BLÁSKJÁR sé ekki lengur borgarstjóri....  Látum kærleikann vera okkar leiðarljós í framtíðinni og leggjum stunda á mannrækt í stað blindar dýrkunar á Mammon, slíkt endar ávalt illa, eins og sagan & boðaskapur frelsarans ávalt sýnir okkur fram á!

Gleðilega páska & eigið góðar stundir í þessu lífi & því næsta..!

kv. Heilbrigð skynsemi