Gerum ímyndina sanna!

Þetta var sigur fegurðarinnar, hinnar óspilltu hreinu fegurðar, hin unga óspillta fjallkona sigraði í líki Jóhönnu Guðrúnar.  Hreinleikinn, þar var sem blár himinninn rennur saman við bláhvítan jökulinn og hverfur í bláma hafsins, höfrungur tákn friðurnar, seglskip tákn hinnar hreinu endurnýtanlegu orku – þetta var sigur hins óspillta.  Ósigur þeirra sem hafa allt uppumsig, ósigur þess sem gerir út á  yfirborðsmennskuna.  Til hamingju með annað sætið. Verðum sú þjóð, það land sem þessi ímynd gekk út á. Gerum hana sanna.  Hún gæti verið sönn.

Ísland í 2. sæti í Moskvu

Athugasemdir

[Sigurður Þór Guðjónsson, 17.5.2009 kl. 13:06]

Söngvakeppni Evrópu er samnefnari fyrir tónlistarlega lágkúru. Ekki bægir gamalkunnur þjóðernisrembingur úr skák. Ekki vil ég að landið verði eins og þetta froðupopplag.

[Kristinn Snævar Jónsson, 18.5.2009 kl. 00:04]

Baldur: Það er hverju orði sannara. Ég skil hvað þú meinar.

Ennfremur: það þarf ekki endilega að tengja svona fagrar ímyndir við einstaka þjóð, Ísland né aðra, heldur einnig allan hinn siðmenntaða heim.