Afskekktur pylsuvagn!

Er afskekktasti pylsuvagn landsins í Selvogi? Eða segir maður pulsuvagn? Pylsusvagninn hennar Guðrúnar Tómasdóttur í Götu er búinn að vera þarna í mörg ár. Hún er hér í dyrum. Í pylsuvagninum má einnig fá handverk og annað smálegt. Selvogurinn er annars miðja vegu við suðurströndina milli Þorlákshafnar og Krýsuvíkur.  Þar er fábýlt.  Í Selvoginum er mesta áheitakirkja landsins, kirkjan á ströndinni, kirkjan við hafið, Strandarkirkja.  Það er gott að koma í Strandakirkju. Bæði kirkjan og pylsuvagninn eru opin alla daga.

Athugasemdir

[Helga Kristjánsdóttir, 25.5.2009 kl. 01:51]

Ég kann ekki alveg leikreglurnar á blogginu,hef þó árætt að senda inn ath.semd mér til ánægju hef komist upp með það. Strandakirkju skal ég sjá í sumar.Það vakti enn meiri áhuga minn á U.M.F.Í. mótinu í sumar á Þorlákshöfn,þegar ég hitti tengdadóttur mína, hún sagði mér að amma hennar hafi búið í Selvogi var ljósmóðir. Sérkennileg tilviljun að hún varð eftir á Íslandi,þegar bræður hennar fóru til vesturheims.   Gott að stansa hjá handverkskonunni líta á verkin.

[Gísli Baldvinsson (IP-tala skráð) 25.5.2009 kl. 08:55]

Pylsur fást (og allt undir) frá Djúpavogi að Staðarskála að norðan. Pulsur undir og ofan eftir það.