Í tilefni af komu Dalai Lama!

Dalai Lama og þeir Tíbet búddar boða jákvæðni.  Þeir kenna að maðurinn eigi að temja sér að hugsa hlýtt til annarra. Neikvæðni fari illa með líkamann. Jákvæðni fer vel með heilsuna. Í þokkabót geta jákvæðir straumar haft áhrif á fjendur manns og virka því á heiminn. Hógværð og nægjusemi eru ríkir þættir í kenningu þeirra og lífsstíl. Tilveran er órjúfandi heild. Hið andlega hefur áhrif á hið líkamlega. Búddinn er afslappaður.  Byltir ekki veröldinni með látum eða stríði. Þeir eru dæmdir til að tapa fyrir valdagráðugum kommúnistum og gráðugum stessuðum kristnum kapitalistum.  Hið góða sigrar yfirleitt ekki þó það sé kenning bæði búddista og kristinna. Það sigrar að lokum væri jákvæð afstaða búddista og kristinna.

Athugasemdir

[Ómar Bjarki Smárason, 1.6.2009 kl. 15:15]

Eru búddisminn og hindúatrúin ekki miklu frekar lífsstíll en beinlínis trúarbrögð?  Úr fjarlægð hefur mér fundist þau miklu þroskaðri en bæði kristni og múhameðstrú. Vandamál síðarnefndu trúarbragðanna held ég að sé hvað þau eru óþroskuð og kannski ekki eins umburðarlind gagnvart öðrum straumum og trúarbrögðum og búddisminn og hindúisminn.  Annars held ég að það gæti verið vottur af Búdda í þér Baldur.  Þú kemur alla vega fyrir sem nokkuð vel afslappaður maður!

[Jakob Þór Haraldsson, 1.6.2009 kl. 16:22]

KÆRLEIKURINN er minn vegur í lífinu og HÚMOR mitt faratæki....  Vildi óska þess að fleiri áttuðu sig á því að taka lífið ekki of alvarlega og láta ávalt gott af sér leiða - "what goes around comes around" - þó svo það gerist í næsta lífi..!

kv. Heilbrigð skynsemi

[Jón Steinar Ragnarsson, 1.6.2009 kl. 18:55]

Var ekki Pol Pot Marxisti líka? Félegt prospect það. Ég held að fólk mætti kynna sér hvernig tilvera almúgans í Tibet var fram undir 1959 áður en þeir fara að mæra þennan mann og heimta að hann komist til valda með trúræðið sitt.

Menn ættu að skoða söguna áður en þeir slá um sig með að hræsna fyrir slíku. Hér er ágæt samantekt í stuttu máli. http://www.michaelparenti.org/Tibet.html

[Jón Steinar Ragnarsson, 1.6.2009 kl. 19:00]

Tibetar vilja almennt ekki trúræðið og ránræðið aftur, heldur þurfaþeir sjáfstjórn og Lýðræði, sama hvað einhverjir stofukommar og ólesnir nýaldarrómantíkerar segja. Þetta snýst allt um peninga og völd eins og ávallt og Þessir gulhattar Lamans voru efnamestu menn álfunnar og þjóðin bjó við harðstjórn sára fátækt og þjáningu og var uppálagt samkvæmt dogmanu að það væri dyggðin ein. Kannastu kannski við það úr öðrum kimum trúarbragðanna?

[Ómar Bjarki Kristjánsson, 1.6.2009 kl. 19:48]

Málið er náttúrulega(að mínu áliti) að trúbrögð þar austur eru miklu þróaðari.  Meina, aldagömul hefð bara afturúr.  Röð andlegra spekinga endalaust.

Spurning líka hvort Jesú hafi komist í tengsl við einhverjar austurlenskar stefnur.

Sumir telja að td. Essenar hljóti að hafa komist í snertingu við austrið og þá jafnvel Búddisma.

(En þetta er umdeilt)

[Sigurður Þór Guðjónsson, 2.6.2009 kl. 11:20]

Ég undra mig á þessum ofsa Jóns Steinars í garð Dalai Lama. En Jón heldur ekki vatni af hrifningu yfir Eckhardt Tolle sem hefur þó ekki ósvipaðan boðskap að flytja og Dalai Lama.

[Jón Steinar Ragnarsson, 2.6.2009 kl. 18:15]

Lestu betur Sigurur minn kæri vinur. Ég er einvörungu að benda á hversu arfavitlaust þa er a spyrða frelsun Tibet við Dalai Lama. Það gætir einnig mikillar vankunnáttu hér um Búddana og meinta friðsemd þeirra, en einmitt hinir gulu hattar Lamans komust að völdum í Tibet með blóðsúthellingum. Ég botna ekkert í ykkur.

Lesið ykkur aðeins til og komið svo aftur.  Þessi meinti friarhöfðingi og sjálfstæðissinni handsalaði Tibet endanlega í Kínversk yfirráð við Maó sjálfan ári 1951, unglingur að aldri og flýði svo síðar til Indlands, þegar frelsisherinn kom til að heimta samninginn.

Tibet hefur aldrei verið frjálst. 90% þjóðarinnar voru "Serf" ea þrælar aðalsins. Þar voru stundaðar aflimanir í refsingaskyni  og þetta var eina þjóin sem opinberlega lagði blessun sína yfir þrælahald um þetta leyti, stjórna af moldríkum aðli trúarleiðtoga og aðals. Barnadauði var um 50% og fátæktin og eymdin fáheyrð í samanburði við heiminn. Eru menn að kalla það frelsi?

[Jón Steinar Ragnarsson, 2.6.2009 kl. 18:22]

Afsakið skort á Ð-um. Lyklaborðið er eitthvað bilað. Annars varðandi Tolle, þá er hann ekki Búddatrúar né yfirlýstur fylgismaður neinna trúarbragða. Hann hefur þó reynt að sigta frá þennan universal boðskap, sem sameiginlegur flestum trútengdum kennisetningum í kjarnann. Þetta sem menn í öllum trúarbrögðum eru svo lagnir við að skauta framhjá og gera að aukaatriðum. Opna á víðsýni og sjálfskoðun og vara hreilega við blindri trú og ofstæki.

Þú hefur kannski ekki lesið hann heldur.

[Jón Steinar Ragnarsson, 2.6.2009 kl. 18:26]

Og svo að lokum. Ég er ekki með neinn ofsa. En kannski er það vegna þess að ég jarma ekki í kór með hinum sauðunum að mönnum finnst það. Hvað varð um heilbrigða gagnrýna hugsun? Er það kannski ástæðan fyrir að fullorðið fólk lét jakkafatafóstrin leiða sig til örbyrgðar hér? Sennilega.

[Sigurður Þór Guðjónsson, 2.6.2009 kl. 18:53]

Ég nefndi boðskap Dalai Lama Jón Seinar en var alls ekki að tala um pólitík. Tolle er ekki neinnar trúar en með því að sigta þennan úniversal boðskap í kjarna trúarbragðanna og boða hann mjög sterkt í rauninni er hann þar með að segja að sannlekur sé í trúarbrögðunum, kristninni þar með talinni. Fyrirgefðu ef ég hef sært þig með tali um ofsa en ummæli þín í síðustu þremur athugasemdum eru nú ekki beint hógvær.

[Sigurður Þór Guðjónsson, 2.6.2009 kl. 19:02]

Ef ég má aðeins bæta við um Tolle: Það ástand sem hann datt í, eins konar hugljómun, sem hann seinna þróaði enn frekar, er að mínum dómi það sem kallað er frelsun í kristninni og ýmislegt annað í öðrum trúarbrögðum. Frelsun er ástand hugans en ekki játningar á kennisetningum. Tolle boðar síðan sanneikann sem hann sigtar úr trúarbrögðunum ekki aðeins sem sannleika heldur þann sannleika sem skiptir meira máli en allt annað og hann bendir á leið til að finna hann. Ég er sannfærður um að það er líka hægt að finna þennan sannleika eftir leiðum trúarbragðanna, líka kristninni. En það er alls staðar hægt að villast.