Auðvitað borgum við!

Eftir að hafa hlustað á Steingrím J. Sigfússon  og Sigmund Davíð í Kastljósinu í gær er ég ennþá sannfærðari en áður um að rétt sé að samþykkja samninginn við Breta og Hollendinga um greiðslu á innistæðum þarlendra. Sigmundur Davíð hafði enga lausn til að tala fyrir. Hann var aðeins að sinna eðlilegri stjórnarandstöðu.   Málið er risastórt og erfitt.  Við erum með allt niðrum okkur. Við höfðum trúað því að við mættum allt og gætum allt en flugum því miður of nálægt sólinni. Samingurinn gefur okkur svigrúm.  Léttir af okkur mesta þrýstingnum og gefur okkur þar með til dæmis ráðrúm til þess að rannsaka bankahrunið og aðraganda þess. Og  hann gerir ráð fyrir því að við sem þjóð stöndum við okkar.  Er það ekki það sem fólk á að gera?

Útlánin eiga að greiða Icesave

Athugasemdir

[Alli, 9.6.2009 kl. 08:41]

Það er alltaf að koma betur í ljós að Samfylkingunnni er ekki treystandi að fara með forystu í EES-málum.  Ákafinn er slíkur að menn, t.d. Össur, sjást ekki fyrir og munu ganga að hverju sem er til þess að ná þessu draumamarkmiði sínu.

Það boðar aldrei gott að setja blindan mann undir stýri á bíl og etja honum út í umferðina. 

[Eiður Svanberg Guðnason, 9.6.2009 kl. 08:42]

Auðvitað er  það svo, að  við eigum ekki annan kost  en að borga. Hinn kosturinn er að hætta að vera þjóð meðal þjóða, -  gerast  einangraðir ómerkingar hins  alþjóðlega samfélags. Eins og þú segir réttilega gefur  samningurinn okkur  svigrúm. Hann er  það  skásta í stöðunni, -  raunar skárri en við var að búast.

Formaður Framsóknarflokksins  fór  sneypuför í Kastljós. Hann fékk  mest pláss í fjölmiðlum vegna þess að hann var stóryrtastur og  skrumaði mest. Ég er ekki sammála því að hann hafi verið að  sinna eðlilegri  stjórnarandstöðu. Það mætti  frekar  segja um Bj. Ben. í þinginu. Hann var málefnalegri og  notaði ekki sömu gífuryrðin og  framsóknarmaðurinn.

[Ívar Pálsson, 9.6.2009 kl. 09:04]

Mér þykir miður að snjall ræðumaður eins og Steingrímur J. taki upp svona slæman málstað eins og Icesave greiðslan er. Sigmundur Davíð benti réttilega á helstu þætti málsins, en gengið var fast að honum að koma með aðrar lausnir. Það er ósanngjarnt, því að tafin sjálfsaftaka Icesave „samningsins“ er engin lausn frekar en önnur fíkniefni, sjúkleg lántaka til þess að greiða óendanlega erlenda einkaskuld.

Nú er komið að ögurstundu. Við grípum þá ekki til örþrifaráða, heldur látum Gordon Brown falla fram á eigin hnífa hjálparlaust þessa dagana og látum þar með ósanngjarna samninga hans fylgja með í fallinu. En að draga allan íslenskan almenning í svaðið í nafni jafnaðarstefnu ber ekki að líða. Nú látum við brjóstvitið ráða og neitum að samþykkja fangelsisvistina. Fyrr megum við hundar heita.

[Haraldur Hansson, 9.6.2009 kl. 09:24]

Taktu eftir lokahluta fréttarinnar: "Ef ákvæðum neyðarlaganna verður hnekkt þá er allt í uppnámi ...". Merkilegt hvað þessi þáttur málsins hefur fengið litla umfjöllun.

[Ómar Bjarki Kristjánsson, 9.6.2009 kl. 11:05]

Það merkilega við samninginn í rauninni er, að svo virðist sem Bretar og Hollendingar samþykki neyðarlögin að því leyti að innistæður séu forgangskröfur í eignir.

SJS benti á þetta í Kastljósi en ef ég hefði verið spyrill hefði ég spurt hann nánar útí umrætt atriði.  Þetta hlýtur að styrkja að neyðarlögin haldi.

Einnig fallast þeir á ákveðna mismunun með því að fara aðeins fram á lágmarkið.  Þ.e. aðeins direktívinu er haldið fram.

[Stefán Már Halldórsson, 9.6.2009 kl. 11:55]

100% sammála, félagi Baldur. Orðavaðallinn í Sigmundi Davíð er óbærilegur.  Drengurinn sá hefur valdið miklum vonbrigðum.

[Ómar Geirsson, 9.6.2009 kl. 11:56]

Blessaður nafni.

Samþykki stjórnvalda Hollands og Bretlands hafa ekkert með það að gera hvort neyðarlögin haldi.  Þetta er réttarágreiningur og hann er leystur fyrir dómstólum.  Það þarf bara einn óánægðan kröfuhafa til að hefja dómsmál og mesta hættan er að lögbanns verði krafist á ráðstöfun eigna Landsbankans á meðan um málið  er fjallað fyrir dómstólum.

Þetta þarf ekki að gerast en svona hefur gerst.  Og hvernig ætlum við þá að borga??  Segja okkur til sveitar?

Kveðja að austan.

[Baldur Kristjánsson, 9.6.2009 kl. 12:49]

Þakka kristilegar athugasemdir. Játa að full kurteislega var að orði komist er ég sagði að Sigmundur Davíð hefði aðeins verið að sinna eðlilegri stjórnarandstöðu.

[Jakob Þór Haraldsson, 9.6.2009 kl. 12:50]

Vinnaþjóðir okkar á Norðurlöndum benda réttilega á að það gengur ekki upp að ríkið hlaupi undan ábyrgðum á t.d. 20.363 evrum eins og lög & reglur gerðu ráð fyrir - eflaust geta 80% þjóðarinnar verið sammála þeirri skoðun, enda voru þetta okkar "útrásar skúrkar sem STÁLU fé erlendra aðila með fullu leyfi íslenskra stjórnvalda sem ÁVALT lýstu yfir að stjórnvöld myndu axla ábyrgð...!"   Það sem arfalélegir íslenskir fjölmiðlar sem eru í vægast sagt MJÖG hliðholir núverandi ríkisstjórn FORÐAST að ræða er hvort þetta séu eðlileg vaxtakjör 5,5%?

Ég er í hópi þess fólks sem tel þessa vexti algjöra BILUN og minni á að Seðlabanki Englands hefur verið að ávaxta yfir 50 milljarða ísl. króna á reiknum sínum VAXTARLAUST og lánar svo sínum eigin bönkum á 0,5-0,7% vöxtum - þannig að góðir samningarmenn hefðu náð að lenda álíka samning og nú er með síðan aðeins 0,75% vöxtum - það er kjarni málsins.  Hefur einhver trú á að hægt sé að skera íslensk ríkisútgjöld niður um 137 milljarða á 3 árum?  Er stjórnmálamenn eitthvað klikk?  Svarið liggur því miður í augum upp, þ.e.a.s. "þeir eru arfalélegir & spiltir - flestir" - EF Alþingi íslendinga gerir þau mistök að samþykkja þennan samning þá upplifir maður það eins og verið sé að slökkva ljósin hjá þjóðinni.  IMF mun svo sjá um að við verðum skattpínd áfram næstu 1-5 árin og gjaldmiðil okkar mun aldrei ná sér meðan þetta lið segist vera að rétta okkur hjálparhönd.  Mér lýst rosalega illa á þetta allt saman.  Í viðtali í gær gagnrýndi ég í sjónvarpinu að t.d. "fjölmiðlar hérlendis hefðu algjörlega brugðist sem 4 valdið - sú athugasemd var auðvitað klippt út eins og gagnrýni mín á þessa 5,5% vexti.  Enn og aftur eru íslenskir fjölmiðlar að ganga erinda stjórnvalda og BLEKKJA þjóð sýna.  Ömurleg upplifun, vægast sagt.

kv. Heilbrigð skynsemi

[Ómar Bjarki Kristjánsson, 9.6.2009 kl. 13:38]

Margumræddir vextir eru bara eðlilegir.  Rétt eins og gerist og gengur í slíkum tilfellum eins og bent er á hér.

http://gautieggertsson.blogcentral.is/blog/2009/6/8/lydskrum-um-vaxtamal/

"lýðskrum um vaxtamál

"... Lánið á icesave er til 15 ára. Þýska ríkið borgar nú 3.72 prósent í vexti í evrum á lánum til 10 ára. Breska ríkið borgar 3.51 í pundum. Í Bandaríkjunum er þeir nálægt 4. Allir þessir vextir eru í sögulegu lágmarki, þeir voru síðast í fyrra um eða yfir í 5 prósent..."

Bara upphlaup og lýðskrum.

[Héðinn Björnsson, 9.6.2009 kl. 14:47]

Ef þú með við meinar Samfylkingarfólk, skalltu vera velkominn að semja fyrir flokkþinn um að þið fáið enga heilsugæslu eða menntun og borgið 20-30% hærri skatta en við hin til að þið getið verið þjóð meðal þjóða, en við hin munum ekki borga og verði reynt að neyða okkur til þess munum við svara slíkum stríðsyfirlýsingum á viðeigandi hátt.

[Óskar Helgi Helgason (IP-tala skráð) 9.6.2009 kl. 16:30]

Sæll; Síra Baldur - lika; sem aðrir, hér á síðu !

Þakka þér; spjallið, þó skammvint yrði, í Aulakaffi (Café au lait)/ Olís, hjá þeim Trausta, á dögunum.

Hér; skiptir í tvö horn, sem oftar, í umræðunni, hvar þið Eiður Sí - krati Guðnason - Ómar Bjarki Kristjánsson, auk örfárra annarra, skuluð enn dirfast, að leggja þessum níðings hætti; þeirra Jóhönnu kerlingar, og Þistilfirðingsins Steingríms lið, án nokkurrar frekari skoðunar á, hversu dýrkeypt myndi okkur öllum verða, yrðu Íslendingar - núlifandi og óbornir, lagðir undir helzi gömlu nýlenduherranna, suður í Evrópu, klerkur góður, meir en orðið er.

Það eru; varnaðarorð, manna eins og Héðins - Skúla - Jakobs (þökk; fyrir síðast, Jakob) - Ómars Geirssonar - Haraldar - Ívars og Alla, sem fólk skyldi gefa gætur að, hverjir hugsa; nokkuð lengra, en eitt misseri fram í tímann.

Það er; lands og þjóðarskömm, að þeim hjúum, Jóhönnu og Steingrími - hver maka krókinn, meðan okkur hinum; flestum, kvíðir fyrir dagrenningu næsta dags, klerkur sæll.

Með; fremur blendnum kveðjum, úr Efra- Ölvesi, að þessu sinni /

Óskar Helgi Helgason 

[Óskar Helgi Helgason (IP-tala skráð) 9.6.2009 kl. 16:32]

skammvint = skammvinnt /

ÓHH 

[Árni Gunnarsson, 9.6.2009 kl. 17:09]

Og nú hvet ég ykkur góðir hálsar til að kíkja á umræðuna um þessi mál á síðu Jóns Baldurs Lorange. Þar kemur margt undarlegt fyrir sjónir ykkar margra um hið marglofaða dýrðarríki ESB.

[Gísli Ingvarsson, 9.6.2009 kl. 17:41]

Gott hjá þér Baldur að taka ekki undir vælukjóakórinn.

[Björg F (IP-tala skráð) 9.6.2009 kl. 20:18]

Allt gengur eftir áætlun AGS - Allar auðlindir landsins verða komin í eigu stórveldanna eftir 15 ár.

Nákvæmlega eins og Michael Hudsons sagði að myndi gerast ef við samþykkjum að borga þessi lán.

Fyrir bankahrun var ekki hlustað á nein varnarorð... og enn er ekki hlustað á nein varnarorð... Eiga Íslendingar ekki bara skilið það sem þeir eru að kalla yfir sig?? 

Á tveimur dögum hefur þessi Icesave samningur hækkað um 25 miljarða kr. plús 200 miljónir í vexti !!

Við borgum 5 miljónir á dag í vexti frá AGS.

Við erum að taka lán frá Norðurlöndum, Rússlandi, ESB og líklegast Kína.

Hvar endar þetta??

Sér það engin að við getum þetta ekki... það er ekki með nokkru móti hægt.

 Ríkisstjórn Íslands verður að segja okkur hver eru veðin fyrir þessum lánum...

Eins og það lítur út fyrir í dag þá munum við vera búin að tapa ÖLLUM AUÐLINDUM landsins eftir 15 ár.

Ég hvet fólk til þess að kynna sér hvernig Alþjóðagjaldeyrissjóðurinn hefur starfað.... þetta er nákvæmlega eftir hans forskrift. Mikið rosalega erum við þægileg fórnarlömb... svo ofboðslega gott að eiga við okkur og stjórna.

Ég vorkenni þeim sem samþykkja Icesave lánið á Alþingi... og já landsmönnum öllum sem samþykkja þennan gjörning. Það verður ekki auðvelt fyrir þá að horfa á í augu barna sinna og viðurkenna að þau seldu landið fyrir "7 ára frið og þægindi"

Má ég frekar biðja um að við verðum olíulaus í 3 ár... mun mun skárri kostur.

Ætlar þú lesandi góður að rísa upp og mótmæla þessum gjörning? Ætlar þú að vera með í að frelsa Ísland undan oki auðvaldsins eða ætlar þú að sitja hjá og leyfa þessu að gerast?

Þetta tækifæri sem er núna til þess að hafa áhrif kemur ekki til okkar aftur...

Þegar Ríkið er búið að skrifa undir, þá er það orðið of seint..

VIÐ VERÐUM AÐ STÖÐVA ÞETTA BRJÁLÆÐI NÚNA  !!!

FlokkurFacebook

[Guðmundur Ragnar Björnsson, 9.6.2009 kl. 20:59]

Það merkilega við samninginn í rauninni er, að svo virðist sem Bretar og Hollendingar samþykki neyðarlögin að því leyti að innistæður séu forgangskröfur í eignir.

 Það skiptir bara ekki nokkru máli hvað kemur fram í samningnum um hvort Hollendingar og Bretar telja neyðarlögin vera lög eða ólög. Hver kröfuhafi hefur rétt til þess að fara í mál og getur farið með það annað en fyrir breska eða hollenska dómstóla. Evrópudómstóllinn eða Alþjóðadómstóllinn eru nú vanir að reka Íslendinga aftur heim með illa skrifuð lög stungið upp í afturendann. Ef að það gerist þá verða engar eignir til að ganga upp í skuldina. Held að það sé spurning um að flytja til heim til Vestfjarða og lýsa yfir sjálfstæði. Baldur og hans samfylkingarvinir geta borgað þetta sjálfir, hver veit nema að þeir geti fengi styrk frá ESB til þess.

[Ómar Bjarki Kristjánsson, 9.6.2009 kl. 21:33]

Jú, þetta er út af fyrir sig nokkuð merkilegt eins og Fjáarmálaráðherra benti sjálfur á.

Hvernig er haldið á þessu eða hvernig umrætt atriði kemur fram í samningnum skal ég ekkert segja um.

En þarna (virðast) bretar og holendingar samþyggja það að innistæður verði forgagsaðilar í eignir.

Nú býst maður við, án þess að vita það fyrir víst, að meiriháttarkröfuhafar séu aðrar bankastofnanir td. í Evrópu.

Það er soldið erfitt að ýminda sér að breska og hollenska ríkið fari að viðurkenna forgang innistæðna vitandi það að það haldi engu vatni.

En eins og ég hef áður sagt, þá er ég bara að spekúlera og ég hefði í Kastljóssspyrils sporum eitt um 5 mínutum í að fylgja þessu aðeins eftir gagnvart hæstvitum Fjármálaráðherra og skorið þá á móti af tíma SD um að fara með málið fyrir FIFA dómstólinn eða eitthvað.

[Jakob Þór Haraldsson, 9.6.2009 kl. 22:23]

Kæru félagar - ég er í þeim hópi fólks sem treysti engan veginn Alþjóða gjaldeyrissjóðnum og tel sögu hans "sanna þá hræðslu mína" - ég bið ykkur öll um að fara inn á www.vald.org sá aðili byrjaði árið 2004 eins og ég að VARA við væntanlegu "bankahruni" - það skiptir máli að hlusta á rétta aðila, sérstaklega þar sem fjöldi fólk sem tengist "SAMSPILLINGUNNI" er ávalt með "lýðskrum, blekkingar & lygar" til að reyna að fela aulahátt XS..!

kv. Heilbrigð skynsemi

[Halldór Björgvin Jóhannsson, 9.6.2009 kl. 22:41]

Það sem fólk virðist gleyma hér eru aðrir kröfuhafar sem eiga kröfu í þessar eignir sem eiga að ganga upp í skuldirnar, sem eftir þessi 7 ár verða búnar að aukast um hátt í 50%.

Breska og hollenska ríkið (takið eftir, Ríkið) segja í þessum samningi að þau ætla ekki að fara með þessi mál fyrir dómsstóla en það kemur ekki í veg fyrir að allir aðrir kröfuhafar geri það, þetta vita þeir vel, þess vegna vilja þeir t.d. ekki taka þessar eignir og skuldir í einu pakka þó svo að það sé búið að halda því fram að þetta dekki allar skuldirnar.

Þetta þýðir að þá erum við búin að skuldbinda okkur að borga alla þessa skuld á 8 árum sem verður þá komið langleiðina í 10 milljarða á mánuði að meðaltali.

Hvað gerist ef pundið styrkis alveg helling, þá erum við í vondum málum.

Við erum búin að lofa því samkvæmt þessum samningum að borga allar þessar skuldir í evrum og pundum, getum ekki notað íslenskar krónur.

Þessi svokölluðu sterku útlánasöfn eru sum í fyrirtækjum bjöggana, ekkert mál fyrir þá að setja þessi fyrirtæki á hausin til að losna undan því að borga þessi lán og þá situr Íslenska ríkið uppi með þann pakka.

Þar sem bresk stjórnvöld lækkuðu virði þessara eigna sem Landsbankinn á þá er lágmark að við getum farið fram á töluvert lægri vexti með þessu, ef ekki hreinlega 0% vexti (Með því að skrifa undir þennan samning þá er íslenska ríkið að skrifa frá þann möguleika á að fara í skaðabótamál við bresk stjórnvöld út af þessari hryðjuverkalagasetningu).

Einnig gætum við hreinlega heimtað það að þeir eigi núna þessar eignir og skuldir þar sem þeir yfirtóku icesave með öllu sínu hafurtaski er þeir notuðu hryðjuverkalögin.

Þetta er það sem fólk er að setja út á þetta Icesave dæmi, það er ekki endilega að við þurfum að borga þetta heldur vegna þess að þessi samningur er hræðilegur, ef eitthvað fer úrskeiðis þá sitjum við uppi með skítinn og það er margt sem getur farið úrskeiðis þar sem það eru allt of margir óvissuþættir.

[Þorsteinn Sch Thorsteinsson (IP-tala skráð) 10.6.2009 kl. 02:01]

Baldur 

Við þurfum ekki að kaupa þennan hræðsluáróður þinn. En afhverju eru allir þessir  ESB sinnar og allt þetta Samfylkingarlið svona miklir aumingjar, eða afhverju  þorir þetta fólk ekki að fara með þetta mál í gegnum dómsstóla, eða gegn þessum ESB þjóðunum Bretlandi og Hollandi, síðan hvenær þurfa menn að vera svona miklir aumingjar, að þeir þori ekki leita réttar síns í Þessu ICESAVE- máli?

Já ég veit það er alltaf þetta sama rugl aftur og aftur ESB þetta og ESB hitt og/eða annars komust við ekki inn í ESB osfrv eða ESB ESB ESB  OG ESB. Við höfum heyrt þetta allt áður bæði fyrir kosningar, eða er hryðjuverkalögin voru sett í Bretlandi gegn okkur og/eða þegar Samfylkingin í ríkisstjórn gerði nákvæmlega ekkert til þess að hægt væri að fara í mál gegn Bretum, en nú á að reyna allt til að telja okkur trú um að það sé ekki hægt að gera neitt, ekki satt? 

[Pjetur Hafstein Lárusson, 10.6.2009 kl. 08:07]

Í mínum huga snýst þetta mál ekki um það, hvo9rt við borgum eður ei.  Það hefur frá upphafi verið ljóst, að við ættum ekki annarra kosta völ.  En það er hættulegt, þegar stjórnvöld halda því fram, að undirritun á skilyrðilausri uppgjöf, sé samningsgerð.  Menn rísa ekki upp úr öskustónni, nema þeir játi sig sigraða. 

Ég ætla ekki að líkja hruninu hér við fyrri heimsstyrjöldina.  En megin ástæða þess, að nasistum tókst að komast til valda í Þýskalandi 1933 var sú, að gamla valdastéttin neitaði að horfast í augu við ósigurinn 1918.  Því miður trúði stór hluti alþýðunnar henni.   Það þarf réttan kúrs, til að ná áttum.

[ThoR-E, 10.6.2009 kl. 13:19]

Hvaða "við" eru þetta sem þú ert að tala um í pistlinum Baldur ??

 Ef "við" er Íslenska þjóðin ... að þá ætla ég að biðja þig um að tengja mig ekki við þetta, vinsamlegast.

Ég tók ekkert þátt í þessari útrás og fann aldrei fyrir neinu góðæri ... þrátt fyrir það þarf ég, börnin mín og jafnvel barnabörn að borga fyrir þetta rugl.

Þökk sé útrásarvíkingunum og vanhæfum stjórnvöldum og eftirlitsaðilum.