Reiði, gremja og sorg og brostnir draumar!

Ég finn til með þessum landa mínum sem rústaði húsinu sínu á þjóðhátíðardaginn. Þessi maður var að láta draum sinn rætast að byggja hús yfir sig og fjölskyldu sína. Við þekkjum þennan draum. Það má vel vera að hann hafi tekið of hátt lán, hefði átt að gæta að sér. En allt látæði samfélagsins sagði honum að þetta væri í lagi.Stjórnmálamenn, útrásardólgar og fréttablöð þeirra lofuðu og prísuðu ástandið og þegar þeir vissu betur reyndu þeir að leyna og blekkja (og bjarga eigin skinni). Þessi maður er því fórnarlamb, eitt af ótalmörgum. Það er mikil reiði, gremja og sorg í íslensku samfélagi nú um stundir og brostnir draumar.

Eyðilagði íbúðarhúsið

Athugasemdir

[Baldur Kristjánsson, 18.6.2009 kl. 09:01]

Allar (frekar) uppbyggilegar athugasemdir velkomnar. Fékk þá flugu í höfuðið að loka kerfinu yfir sumarmánuðina vegna þess að ég hefði ekki tíma til að lesa athugasemdir eða gefa þeim gaum. En ég sé að það er alveg ómögulegt. 

[Ragna Birgisdóttir (IP-tala skráð) 18.6.2009 kl. 14:39]

Ég var að blogga um það sama Baldur.Lifandi kenni ég í brjósti með þessu fólki sem flest var í góðri trú að að vera að gera rétt.Ég óttast núna framhaldið í málum okkar.Takk fyrir góð blogg.

[Elle_, 24.6.2009 kl. 00:04]

Ég lái manninum ekki neitt.  Logið var að fólki af glæpabönkum og glæpafjármálafyrirtækjum.  Og ekki stoppuðu yfirvöld það og stoppa ekki enn.  Nú leyfist fjármálafyrirtækjum að gefa út þvingunarskilmála sem fólk verður að skrifa undir eða tapa öllu.  Og fyrirvarar bannaðir.