Skjöldurinn minnir á forna dýrðardaga!

Í lítilli, hljóðlátri, hliðargötu við Mannréttindabygginguna í Strassborg  blaktir fáni Íslands ekki meir.  Enginn svarar bjöllunni.  Fastanefnd Íslands hjá Evrópuráðinu hefur verið lögð niður. Þetta voru viðbrögð við hruninu. Enn er skjöldurinn og minnir á dýrðardaga lands og þjóðar:,,Fastanefnd Íslands hjá Evrópuráðinu", stendur á honum.

Ísland er þó enn í Evrópuráðinu sem er samráðsvettvangur allra ríkja Evrópu, þau eru nú 47, og Tyrklands. Samráðið tekur einkum til mannréttinda og menntamála

Athugasemdir

[Axel Þór Kolbeinsson, 2.7.2009 kl. 13:30]

Ísland var fyrsta þjóðin utan stofnþjóðanna 12 sem gekk í ráðið árið 1950 (Við værum 13. gula stjarnan á bláa bakgrunninum ef þeim hefði verið bætt við).  Tyrkland er eitt af stofnríkjunum.

Ekki öll ríki Evrópu eiga sæti í Evrópuráðinu.  Hvíta-Rússland og Kazakstan eru alþjóðlega viðurkennd ríki sem taka ekki þátt í Evrópuráðinu og auk þess eru nokkur Evrópuríki sem hafa takmarkaða viðurkenningu sem hafa ekki fulltrúa í ráðinu, t.d. Kosovo og Transnistria.

[Baldur Kristjánsson, 2.7.2009 kl. 13:58]

Rétt hjá þér af Wilkipediu.  Nær hefði verið segja ....nær allra...  Því má bæta við að Evrópráðið leggur áherslu á að efla  lýðræði, mannréttindi og virðingu fyirr lögum.  Þetta séu grundvallargildi til að byggja umburðarlynd og siðuð samfélög.  Ályktanir og samþykktir Evrópráðsins eru ráðleggjandi, ekki bindandi fyrir aðildarríkin.

[Axel Þór Kolbeinsson, 2.7.2009 kl. 14:09]

Wikipedia er góð til síns brúks þó ég hafi ekki þurft að fletta í henni núna nema til að fá stafsetninguna á Transnistriu rétta (mig langar alltaf að skrifa Transisnitria).

En Evrópuráðið var góð hugmynd til að efla mannréttindi og virðingu fyrir lögum, ekki síst landa á milli.  Þetta var ein af þeim stofnunum sem voru settar á fót til að minnka líkurnar á enn einu stríði í Evrópu og virðist hafa gengið sæmilega hingað til.