Frjálslyndum kippt upp í?

Óska lesendum mínum nær og fjær gleðilegs nýs árs og þakka fyrir liðinn tíma eins og mér finnst svo fallegt að segja.  Hef nánast ekkert mátt vera að því að hugsa gáfulegar hugsanir á þessum  áramótum.  Hef þó í huga mér andmælt aftökum manna af því gefna tilefni sem allir þekkja.  Fannst Geir Haarde flytja ágætt ávarp sitt vel en undrast þá smekkvísi að spila ekki Nú andar suðrið...að ávarpi hans loknu vegna þess að Geir fjallaði um það ljóð..  Svo sé ég ekki fréttapunktinn í þeim orðum hans að önnur eins virkjun og við Kárahnjúka sé ólíkleg.  Ég sé ekki að hægt sé að koma slíkri virkjun við.  Að lokum.  Mér finnst líklegasta næsta ríkisstjórn sú að Frjálslyndi flokkurinn hoppi upp í hjá núverandi stjórnarflokkum.  Frjálsyndir eiga ekkert erindi í kaffibandalagið..þetta er hægri sinnaður borgaralegur flokkur með xenofóbísku ívafi.  Sem sagt Gleðilegt ár.

Athugasemdir

[Hjörtur J. Guðmundsson, 2.1.2007 kl. 17:21]

Orðræða frjálslyndra um innflytjendamálin hafa öðru fremur byggst á verkalýðsmálum líkt og sósíalistum og öðrum vinstrimönnum í Frakklandi. Það eitt að hann tali fyrir aðhaldi í innflytjendamálum gerir hann ekki sjálfkrafa að hægriflokki.