Íslenskir bókaútgefendur seinir til!

Hún er létt, læsileg.  Maður getur stillt letrið og flett upp orðum með því að ýta á takka.  Það tekur nokkrar sekúndur að fá heimsbókmenntir eða glæpasögu á skerminn.  Evrópsku og amerísku blöðin eru komin í stólinn til þín um leið og þau koma út.  Flest  skástu tímaritin getur þú keypt.  Sé Kyndillinn ekki í beinu rafrænu sambandi færð þú bókina, blaðið í Kyndilinn þinn um tölvu þína.  Rafbókin er stökk framávið fyrir alla þá sem ekki eru fastir í liðnum tíma. Íslenskir bókaútgefendur eru enn að hugsa. Hafa alltaf verið seinir til. 

Athugasemdir

[H.T. Bjarnason (IP-tala skráð) 11.8.2010 kl. 12:36]

Ég hef yndi og ánægju af bókum og lestri.  Á töluvert stórt safn bóka en mikið hlakka ég til að fá mér Kyndil.  Ekki endilega til að koma í prentaðra bóka heldur sem kærkomin viðbók. 

[H.T. Bjarnason (IP-tala skráð) 11.8.2010 kl. 12:36]

Viðbót ... átti þetta víst að vera.

[Baldur Kristjánsson, 11.8.2010 kl. 14:12]

Hélt að þetta væri nýtt hugtak viðbók í merkingunni viðbótarbók. Ég er nefnilega sammála þér- þetta er kærkomin viðbót og örvar til lesturs svona yfirleitt.  BKv.  Baldur

[H.T. Bjarnason (IP-tala skráð) 11.8.2010 kl. 16:05]

Auk þess eru nokkrir kostir sem fylgja Kyndlinum.  Þegar bók er pöntuð frá Amazon kemur hún undireins og ekki þarf að greiða nein tollmeðferðargjöld, póstburðargjöld og virðisaukaskatt.  Þegar farið er í frí þá losnar maður við þann höfuðverk um hvaða bók/bækur á að taka með sér.