Loksins var amx fyndinn!

Loksins er amx vefur hægri sinnaðra Sjálfstæðismanna fyndinn og hann er að andskotast í forystu flokksins og teygir og togar hana og landsfundinn sundur og saman í háði. Engu líkara er en að Davíð Oddsson skrifi pistilinn, nema annar fyndinn maður sé kominn í flokkinn? Það er komið fyrir Sjálfstæðisflokknum eins og Framsóknarflokknum:  Hann er klofinn ofaní rót. Og Vinsti Grænir eru klofnir líka.  ESB gengur í gegnum miðju allra flokkanna, klýfur þá.  ESB sinnar og ESB andstæðingar geta einfaldlega ekki verið saman í flokki með sæmilegu móti því að í málinu kristallast svo gjörólík þjóðfégassýn og lífssýn fólks. Ef menn gera ekki upp málið í þessum flokkum  og þeir óánægðu beygi sig undir niðurstöðuna eða skipti um vettvang þá verða menn í mannskemmandi innanflokksdeilum lengi fram eftir þessari öld eða þangað til þeir verða dauðir og smám saman tekur fólk við sem ekki þekkir annað.  Innanflokksdeilur eru nefnilega mannskemmandi, deilur milli flokka geta hins vegar verið mannbætandi.

Sagði ekki prófessor Bjarni Guðnason um Hannibal í frægri ræðu að hann gæti dundað sér við það að kljúfa rekaviðardrumba í ellinni vestur á fjörðum svo mikla verkþekkingu hefði hann í því að kljúfa.  það er eiginlega langt síðan við höfum eignast almennilegan klofningsmann. Kannski Davíð brilleri í því eins og öðru.

Athugasemdir

[Finnur Bárðarson, 25.6.2010 kl. 17:19]

Ha, hafa þeir húmor ? Annars er þetta fyrsta bloggið sem ég les þar sem fundurinn er nefndur á nafn. Hvar eru safnaðarmeðlimirnir ?