Kirkjan: Öll leynd af hinu illa!

Séra Gunnar Matthíasson formaður fagráðs kirkjunnar um meðferð kynferðisbrotamála tekur hlutverk sitt alvarlega svo sem fagráðið allt.  Þess vegna á hann að gefa upp fjölda kynferðisbrotamála sem ráðið hefur fjallað um, afdrif þeirra og hvaða sviði kirkjustarfs viðkomandi starfaði. Ef þetta er ekki hægt verður að rekja þau rök ansi vel.  Öll leynd er af hinu illa sérstakega á þessu sviði.  Ég held að kirkjan sé að vinna vel á þessu sviði.  Hún verður að láta það koma fram.  Umburðarlyndi í hennar garð er yfirleitt lítið og alls ekki neitt þegar kemur að kynferðisbrotamálum. Þannig á það líka að vera.

Athugasemdir

[Jóhann Elíasson, 13.8.2010 kl. 08:49]

Séra Gunnar Matthíasson er einhver vandaðasti og ábyrgðarfyllsti maður sem ég hef nokkru sinni kynnst, kirkjan er mjög lánsöm að njóta starfskrafta hans og þau störf sem hann tekur að sér eru unnin af mikilli samviskusemi, natni og kærleika.  Ég er sannfærður um að hann skilar ítarlegri skýrslu um sín störf og nefndarinnar til síns yfirmanns og ég er þér alls ekki sammála um að hann eigi nokkuð að vera að fjalla um störf sín og nefndarinnar í fjölmiðlum eða annars staðar.

[Baldur Kristjánsson, 13.8.2010 kl. 12:14]

Tek undir hvert orð  um ágæti Gunnars enda þekki ég manninn. Menn hafa hins vegar ákveðið að gefa meira upp en hann gerði í viðtalinu og er það vel.

Einhver varnar- eða skapvonskublær í athugasemdinni.  Er það nokkuð Jóhann?  BKv. B

[Jóhann Elíasson, 14.8.2010 kl. 07:44]

Fyrirgefðu Baldur að ég svaraði ekki fyrr.  Ég er ekki að verja neitt nema mér fannst ómaklega vegið að séra Gunnari, sem ég þekki nokkuð vel og ég endurtek að ekki þekki ég vandaðri mann.  Þar sem séra Gunnar hefur komið að málum, finnst mér hann hafa komið að af fullkominni fagmennsku og á það líka við um þessi mál.  Svona mál eru alltaf viðkvæm hver sem í hlut á og finnst mér séra Gunnar hafa tekið rétta stefnu þarna en sjálfsagt eru skiptar skoðanir um það sem annað.

[Baldur Kristjánsson, 14.8.2010 kl. 10:38]

Sæll Jóhann!  Var ekki ætlunin að  vega að sr. Gunnari.  Bara að ræða málin fyrir opnum tjöldum sem er nauðsynlegt.  Gunnar er sá besti sem við eigum í þetta hlutverk. Kv. B