Sofnar ofan í púltið...

Mikið eru ræðuhöldin daufleg og greinilegt að miklir oratorar komast ekki á þing, heldur fólk með allt skrifað og sofnar næstum því ofan í púltið. Ég stóð mig að því að bíða eftir hrotunum en hrökkva upp við mínar. Undantekningin var þó Guðfríður Lilja Grétarsdóttir.  Hún er manneskja með erindi og ber það fram gullnum þokka og ljúfmennsku.  Mér fer alltaf að þykja vænt um landið mitt þegar hún talar.

Meginmarkmið stjórnmála að skapa samfélag þar sem fólki líður vel

Athugasemdir

[Sigurlaug B. Gröndal, 1.6.2007 kl. 13:27]

Það er mikið satt. Guðfríður Lilja er einstakur ræðusnillingur í sinni hógværu og fíngerðu framsetningu. Ég er oft búin að upplifa það á stórum fundum að fundarmenn þagna hver á fætur öðrum, kliður hverfur og allir leggja við eyrun. Hún hefur einstaka framsetningu á máli sínu. Hún hefði sko sannarlega þurft að komast á þing. Sannur talsmaður náttúruverndar.