Við erum ekki góðir

Frá því ég man eftir hafa verið allt of miklar kröfur til íslenska landsliðsins í fótbolta.  Knattspyrnuforystan og blaðamenn bera höfuðábyrgð á því að fólk er æst upp fyrir alla leiki, alið er á þeirri trú að við getum eitthvað. Allir ættu að sjá að það er gríðarlegur getumunur á íslenska liðinu og því sænska svo dæmi sé tekið. Stundum höfum við náð árangri í æfingaleikjum af því að hinir eru að hvíla sig en höfum eiginlega aldrei náð árangri í alvöruleikjum. Við eigum einfaldlega ekki nógu marga góða knattspyrnumenn. Knattspyrnuforystan og síungir fótboltablaðamenn æsa hins vegar þjóðina upp fyrir leiki og eftir leiki verða allir vitlausir, venjulegt fólk breytist í reiðar og svekktar fótboltabullur eins og sjá má á mörgum kommentunum hér.

Einu skiptin nánast sem við höfum náð einhverju út úr alvöruleikjum er undir stjórn Guðjóns Þórðarsonar sem pakkar öllu liðinu í vörn og það heitir að berjast. 

Íslendingar sáu aldrei til sólar í fimm marka tapleik

Athugasemdir

[Glúmur Gylfason (IP-tala skráð) 6.6.2007 kl. 23:43]

Hjörtu mannanna eru eins  í Súdan og Grímsnesinu.                                        Færeyingar rétt búnir að ná jöfnu við heimsmeistarana í alvöruleik s.l. laugardag og Ítalir toppuðu þá orðbragð landans eftir þann leik.                                               Eftir sigur á eihverju Eystrasaltsríki í kvöld eru  svo "gli azzurri" aftur komnir í guðatölu.

[Hafsteinn Viðar Ásgeirsson, 7.6.2007 kl. 10:44]

Svona er þetta bara og það verður að taka tapleikjunum þegar þeir koma, án þess að fara á límingunum. Eyjólfur getur ekki orðið annað en hressari og hann þarf bara að tala mannamál við þessa pjakka og skipuleggja næsta slag....