Mynd Leonardo da Vincy -ómöguleg uppstilling!

Þessi mynd eftir Leonardo da Vincy er máluð einhvern tímann á bilinu 1495 til 1498 og er vissulega fyrst og fremst hans hugarfóstur þó hún endurspegli örugglega hugmyndir aldanna um það hvernig síðasta kvöldmáltíðin fór fram.

Á þessari endurgerð Símans (það er sífellt fleirra sem maður getur þakkað því fyrirtæki) sér maður betur en á frummyndinni hvað þetta hefur verið ómöguleg uppstilling hjá frelsaranum (ef þetta er eins og hún var). Þú nærð aldrei neinni grúbbudýnamikk við svona langborð. Þegar menn sitja við langborð er lágmark skv. markaðsfræðinni að hópur 13 manna skiptist upp í þrjá, fjóra hópa og smám saman verði til jafnmargir leiðtogar. Það er einmitt að gerast þarna á myndinni(og endurgerð Símans er í stíl við frummyndina). Myndin er því í raun lýsandi fyrir það hvernig kirkja Krists hefur þróast. Menn hópa sig –hver með sinn sannleika. Kristur einangrast á miðjunni, horfir með góðum, umburðarlyndum svip nánast út í loftið.

Ég hef annars trú á því að hann hafi látið þá mynda hring.

Mér datt þetta svona í hug af því að enginn spurði.

 

Biskup segir nýja auglýsingu Símans smekklausa

Athugasemdir

[Hans Haraldsson (IP-tala skráð) 4.9.2007 kl. 15:17]

Hann hét da Vinci. Hann var Ítali, ekki Íri.

[Gunnar Kr., 4.9.2007 kl. 15:22]

Hefði málverki Da Vinci vakið eins mikla athygli og verið eins góð, hefði hann málað hnakkann á helmingi lærisveinanna? Eflaust ekki. Að sjálfsögðu er þetta túlkun málarans á viðburðinum og getur aldrei flokkast sem „fréttaljósmynd“.

[Gunnar Kr., 4.9.2007 kl. 15:26]

góð --> gott

[Baldur Kristjánsson, 4.9.2007 kl. 15:31]

Rétt hjá þér Hans, mun leiðrétta.  Sömuleiðis góð túlkunarábending hjá Gunnari þó hún liggi svolítið í augum uppi. Kv. B

[Elías Halldór Ágústsson, 4.9.2007 kl. 16:33]

Leonardo var ekki fyrstur til að mála kvöldmáltíðarmynd og alls ekki síðastur.  Hins vegar virðist snemma hafa orðið til sú venja að mála Jesúm með ljósbrúnt hár, en Júdas rauðhærðan. Auglýsingasmiðir Símans brjóta út af þeirri venju og finnst mér það miður. Guðlast er í fínu lagi fyrir mér, en ekki svona stílbrot.

[Elías Halldór Ágústsson, 4.9.2007 kl. 16:39]

Annars finnst mér þessi best. 

[Villi Asgeirsson, 4.9.2007 kl. 18:21]

Töff mynd. Annars skil ég ekki þessa móðgunaráráttu trúaðra. Ef einhver gerir gríð að Apple tölvum, Darwin eða stóra hvelli, á ég þá að fara í fýlu?

[Villi Asgeirsson, 4.9.2007 kl. 19:32]

Þær eru mér kærar.

[Rúnarsdóttir, 4.9.2007 kl. 21:33]

En þetta með Darwin og stóra hvell var morgunljóst? Ókei ...

[Glúmur Gylfason (IP-tala skráð) 4.9.2007 kl. 23:36]

Hefur nokkur heyrt Símann nefndan sem dæmi um vel heppnaða einkavæðingu?

[PapaGolf (IP-tala skráð) 5.9.2007 kl. 00:16]

Ég vil aðeins breyta auglýsingu símans. Þegar Júdas segist vera niðri í bæ og Jesús ranghvolfir í sér augunum, mætti hann frekar segja; (Jisús kræst). ?