Nátttröllin í Þjóðleikhúsinu!

Fór í Þjóðarleikhúsið í gær með fjölskylduna að sjá Skilaboðaskjóðuna, frábært og skemmtilegt verk og ég var sjálfur farinn að kalla með öðrum börnum í salnum Arka-parka eða harka -parka inn skal arka en það þurfti að gera til þess að opna helli nátttröllsins svo hægt væri að bjarga drengnum putta littla sem tröllið hafði tekið.

En það gátu ekki allir arkað, parkað inn í þetta flotta hús fræna míns Guðjóns Samúelssonar frá Hunkubölkkum á Síðu. Þá ég var að koma í kaldri slyddunni sá ég konu sem í hjólastól á leiðinni í kringum húsið milli bíla upp og niður gangstéttir um byggingarsvæði og þegar ég var kominn inn nokkru seinna skaust ég niður í kjallara á klósett og sá þá að verið var að þræla konunni í hjólastólnum í gegnum auðan þjóðleikhúskjallarann og að lokum inn í lyftu fyrir fatlaða. Hún hafði sem sagt verið tekin inn að aftan með ærinni fyrirhöfn blessuð konan og síðan um geymslur, bari, auða veislusali og ganga.

Nú má vel vera að viðgerðir standi yfir á vesturhlið hússins en þar minnir mig að hafi verið skábraut fyrir fólk í hjólastólum. Mér finnst það hins vegar ekki næg ástæða til að verja það að fólk sé með þessum hætti tekið inn í Þjóðleikhúsið.  Lágmark er að útbúa sómasamlega bráðabirgðaðkomu fyrir þá sem ekki geta arkað parkað þetta sjálfir án hjálpar úr umhverfinu.

Í þessu efni eru forsvarsmenn Þjóðleikhússins í hlutverki Nátttröllsins. Um framdyr þjóleikhússins eiga allir að vera velkomnir alltaf velji þeir það að kaupa sér miða á leiksýningu. Ég hélt satt að segja að við værum komin lengra en þetta.