Sorgarsagan með Framsókn heldur áfram!

Sjálfstæðisfokkurinn hangir inni á því að þrátt fyrir allt er menntaður
hagfræðingur við stýrið.  Hefðum við á tilfinningunni að hann
stæði einn við stýrið stæði flokkurinn enn betur.  Hvar er annars
Þorgerður Katrín?  Helsta tromp flokksins er hætt að sjást. 
Sorgarsagan með Framsókn heldur áfram. Hvernig má annað vera þegar mest
áberandi þingmaður flokksins berst með hnúum og hnefum í skjóli
formannsins gegn því að Framsóknarflokkurinn verði framfarasinnaður
flokkur sem vilji sjá Ísland í samstafi sjálfstæðra þjóða í Evrópu
m.a. dreifbýli og landbúnaði til hagsbóta.

Minnihluti styður stjórnina

Athugasemdir

[Hjörtur J. Guðmundsson, 26.10.2008 kl. 17:11]

Ef aðildarríki Evrópusambandssins væru sjálfstæð væru stofnanir þess, sem flestar eru meira eða minna sjálfstæðar gagnvart aðildarríkjunum, valdalausar. Það eru þær hins vegar svo sannarlega ekki og gríðarleg völd þeirra vaxa stöðugt. Þetta vald varð ekki til úr engu, þetta vald var eitt sinn á könnu aðildarríkjanna, stór hluti af fullveldi þeirra, en er það ekki lengur.

Og síðan hvenær var Þorgerður Katrín helzta tromp Sjálfstæðisflokksins?

[Baldur Kristjánsson, 26.10.2008 kl. 18:27]

Er hún það ekki?  kv. B

[Elías Theódórsson, 26.10.2008 kl. 21:57]

Leitt að Framsóknarflokkurinn sé enn frekar að fjarlægjast uppruna sinn og á leið í ESB. Ég mun sakna Framsóknarflokksins.

[Sumarliði Gestsson (IP-tala skráð) 26.10.2008 kl. 22:09]

Baldur, Þorgerður er ekki tromp Sjálfstæðisflokksins.  Mörgum finnst hún bara vera á egótrippi og einungis vera ráðherra til að geta ferðast frítt um allan heiminn á kostnað skattborgaranna.  Þannig leiðtoga vilja menn ekki.

Síðan hvenær urðu þjóðir sjálfstæðar inna ESB?   Og þetta með að það sé landbúnaði og dreifbýli til hagsbóta.  Þetta er alveg eins og Samfylkingin, þvílíkan and-landsbyggðar og sjálfhverfu stjórnmálaafli hef ég aldrei kynnst.  Samfylkingin er einn þröngsýnasti og sjálfhverfasti flokkur sem ég hef kynnst.  Fyrir þeim er Ísland bara Reykjavík og nágrenni.  Og heimurinn er Brussel og ESB. 

Vil ekki sjá svona þröngsýnt og sjálfhverft apparat eins og Samfylkinguna.

[Jón Steinar Ragnarsson, 27.10.2008 kl. 00:41]

Það sem er mekilegt við þessa skoðanakönnun er að 45% tóku ekki afstöðu, sem segir að þjóðin veit ekki sitt rjúkandi ráð og að stjórnmálamenn, hvar í flokki sem þeir standa, hafa gersamlega misst allt traust.

Svolítið ískyggilegt í landi, sem byggir á lýðræði er það ekki?