Vinstri grænir þrasa sig niður!

Nú er hin úrsérgegna flokkapólitík komin á fullt. Við skipum okkur í lið, verðum meira og minna dregin í okkar dilka. Sjálfstæðismenn fara að tala með sínum hætti, Samfylkingarmenn með sínum.  Og úrslitin 9. maí eru nokkuð fyrirsjáanleg.  Núverandi tjórnarflokkar tapa einhverju. Forystumenn Vinstri grænna þrasa sig niður í 20%.  Framsókn réttir lítilsháttar úr kútnum, hinir nýju forystumenn of óreyndir.  Frjálslyndir standa í stað. Ný framboð þ.á.m. framboð Lýðræðisbyltingarinnar fá 10-15% atkvæða, því miður, ekki meira, flokksræðið blívur.

Ný ríkisstjórn í kortunum?

Athugasemdir

[Villi Asgeirsson, 26.1.2009 kl. 20:22]

Spot on, ef ég má sletta frönsku.

[Jón Ólafur Vilhjálmsson, 26.1.2009 kl. 20:23]

Hefur þú trú á að nýtt framboð sé reynt á því sviði sem stjórnmál eru ég hef ekki trú á því að þar komi aðrir fram en sem hafa mikinn metnað fyrir þjóð sína og þeir sem eru hvað mestir hugsjóna menn gengur hvað verst að vinna með öðrum vegna þess að þeirra skoðun er sú eina rétta ég vona að ungafólkið hafi félagsþroska til að vinna með fjöldanum . Það er það sem skiptir máli að vinna með fjöldanum að framfaramálum þannig vinnur samvinnu og félagshyggjufólk eins og þú þekkir. 

[Svanur Gísli Þorkelsson, 27.1.2009 kl. 01:36]

Því miður Baldur, þú hefur hárrétt fyrir þér og kosningaspá þín mun eflaust ganga eftir. Eftir allt saman erum við það sem við erum.

[Páll A. Þorgeirsson, 27.1.2009 kl. 02:50]

Allt í lagi að spá .....en eftir svona "hrakfarir" vil ég nú hafa meir trú á "þroska landsmanna" en spáin þín segir til um. ;-)  Svo á nú eitt og annað eftir að ske........áður en að kosningum kemur. Nei, ekki á sama máli og þín spá  ;-)

[Jóhannes (IP-tala skráð) 27.1.2009 kl. 09:25]

Ertu í sannleika að vona, Baldur, að hreyfing með Ástþór Magnússon innanborðs fái meira en 10-15% atkvæða? eða hef ég misskilið eitthvað - eru ekki samtökin Nýjar raddir hluti af þessari hreyfingu?

Mér finnst ástandið alveg nógu slæmt þó að þetta bætist ekki við.

Bestu kveðjur 

[Baldur Kristjánsson, 27.1.2009 kl. 16:30]

Nei, ég átti ekki við hreyfingu með hann innanborðs!