Gullmolinn Össur!

Það eru mikil gleðitíðindi að Össur Skarphéðinsson skuli vera orðinn
ráðherra aftur, skemmtilegur maður sem þó er tekið mark á.  það
loðir nefnilega við íslensk stjórnmál að menn mega ekki vera
skemmtilegir þá eru þeir settir niður um deild. Best þykir þegar hægt
er að segja um menn.  Hann getur verið skemmtilegur eða hann er
skemmtilegur í góðra vina hópi.  Það er eins og menn eigi að vera
hæfilega þurrkuntulegir allajafna en það var það orð sem hún stjúpamma
mín notaði um leiðinlegt fólk. Össur hefur eiginlega yfirunnið þetta og
er upplífgandi í allri alvörunni.  Sjaldgæfir slíkir gullmolar.

Jón afhenti Björgvin og Össuri lykla

Athugasemdir

[Hafsteinn Viðar Ásgeirsson, 24.5.2007 kl. 19:43]

Mikið er ég sammála þér Baldur, eins og raunar endranær. Össur er skemmtilegur karakter en þú hefur samt alltaf á tilfinningunni að hann sé að tala af alvöru og viti ekki hægt annað en að fagna komu hans í ráðuneyti...

[O.Veigar (IP-tala skráð) 25.5.2007 kl. 13:40]

Ég er sammála þér sr. minn, Össur er með skemmtilegri mönnum.