Við austur gnæfir sú hin mikla mynd

Um stofugluggann sé ég hina miklu mynd Jónasar, Eyjafjallajökul:

 

Við austur gnæfir sú hin mikla mynd

Hátt yfir sveit og höfði björtu svalar

Í himinblámans fagurtærri lind

 

Og ofar Tindafjöll:

 

En hinum megin föstum standa fótum

Blásvörtum feldi búin Tindafjöll

 

Og í forgrunni Þríhyrningur þar sem brennumenn földu sig.

 

Það er gott að hafa lært Jónas í skóla og það getur verið fallegt á Suðurlandi þegar sést til fjalla og gott er fyrir sálin og þjóðernisvitundina að eiga snillinga sem samið hafa Njálu og Gunnarshólma, skáldið Jónas Hallgrímsson og hinn óþekkta höfund Njálu.

 

Stundum er gott að vera til, sérstaklega þegar fyrsta kaffi dagsins kemur...

Athugasemdir

[María Kristjánsdóttir, 25.5.2007 kl. 10:13]

ég upplyftist öll yfir mínum kaffibollanum, held áfram upprifjuninni og sé þetta allt fyrir mér - já mikill er máttur skáldskaparins.