Örlagaríkt ár?

Óska þeim sem rata hér inn gleðilegs árs og friðar. Bæði bloggvinum mínum og öðrum þeim sem kíkja inn. Einnig þakka ég þeim sem skrifa athugasemdir jafnt þeim sem gera það til þess að vera kumpánlegir og einnig þeim sem eru lítt sammála og vilja rökræða.  Ég þakka meira að segja einnig þeim sem hreyta í mig, mér þykir svolítið til um þá líka þó mér hafi stundum liðið óþarflega illa yfir gásleysislegum kommentum þeirra.  Þeir hafa á vissan hátt agað mig,  gert mig kurteisari í eigin færslum og hjálpað til að mynda skráp sem hefur þykknað á árinu. Sjálfur viðurkenni ég það að ég ydda svolítið skoðanir mínar kannski í þeim tilgangi að ná athygli einhverra.

Óska ykkur öllum gleðilegs árs og vonast eftir uppbyggjandi samskiptum á næsta ári.  Árinu sem mun breyta okkur öllum. Þetta verður merkilegt og viðburðaríkt og etv. örlagaríkt ár.

Athugasemdir

[Ragnheiður , 31.12.2008 kl. 21:24]

kumpánlegir segirðu ?

Gleðilegt ár

[Baldur Kristjánsson, 31.12.2008 kl. 21:36]

já, eða vinsamlegir eða sammála!  Gleðilegt ár!

[Róbert Björnsson, 31.12.2008 kl. 22:19]

Bestu óskir um gleðilegt nýtt ár!

Takk fyrir skemmtilegt blogg sem ég les oft þó ég kommenti sjaldan.  Það vill svo til að ég er einn af þessum óþekku trúleysingjum sem stundum hef tekið þátt í að deila á Kirkjuna og trúarbrögð almennt.  Það hefur samt stundum farið í taugarnar á mér hvað sumir skoðanabræður mínir hafa gengið langt með þrasi sínu hér hjá þér og öðrum frjálslyndum prestum sem ég veit að viljið vel og skilið fórnfúsu starfi.  

Þó svo ég beri ekki endilega virðingu fyrir Kirkjunni sem stofnun þá leiðist mér að sjá ráðist á þá sem hafa þó barist fyrir umbótum og standa gegn yfirgangi bókstafstrúarmanna.

En takk fyrir að hafa þolinmæði fyrir okkur trúleysingjana og svara okkur með kurteisi og án þess að fordæma okkur mjög mikið þó svo þú gerir stundum létt grín að okkur.   Það er alger óþarfi að vera með einhver leiðindi þegar þessi mál eru rædd.  

Frjálslyndar jafnaðarmannkveðjur frá Minnesota!

[Baldur Kristjánsson, 31.12.2008 kl. 23:26]

Takk fyrir, kveðjur til þín sömuleiðis! BK