Skálholt- höfuðstaður kristni á Íslandi!

Höfuðstaður kristni á Íslandi síðan 1056.  Þú skynjar söguna.  Hérna hefur fólk lifað, hrærst, dáið, tekist á, bruggað launráð, lofsungið, tilbeðið í 1000 ár.  Níú kirkjur hafa staðið  þar sem núverandi dómkirkja stendur.  Núverandi er fyrsta steinkirkjan og  hefði rúmast inn í sumum hinna.  Í kjallara  steinkista Páls Jónssonar. Í skólanum eru núna 40 ungmenni  frá Þorlákshöfn, Eyrarbakka og Stokkseyri að nema kristindóm fyrir fermingu.  Nær allir krakkar fermast af þessum slóðum.  Þetta er trúarleg og samfélagsleg vígsla. Barnsárum lokið- unglingsár taka við.

Athugasemdir

[DoctorE (IP-tala skráð) 9.3.2009 kl. 14:20]

Fermingargjafir eru gulrótin.
Það er fátt sem ég sé meira eftir en að láta ferma mig í ríkistrúnni :)
Ef ég hefði vitað meira um kristni og biblíu á þeim tíma, þá hefði ég alveg örugglega ekki látið blekkja mig í þessa hjátrú.

[Baldur Gautur Baldursson, 9.3.2009 kl. 16:27]

Skálholt er yndisslegur staður í huga mínum. Sagan býr í hverri þúfu og forn frægð staðarins uppspretta fróðleiks, þekkingar og sagna af ýmsum toga.  Tel að hlúa ætti enn meir að þessu forna frægðarsetri.

[Ómar Ragnarsson, 9.3.2009 kl. 20:06]

Margir útlendingar sem koma til Skálholts minnast þess helst að hafa séð hina ótrúlegu áletrun á legsteini Jóns biskups Arasonar þess efnis að þar hvíli kaþólskur biskup og SYNIR HANS.

Það þarf víst oft útskýringar við.

[Hilmar Gunnlaugsson, 9.3.2009 kl. 22:02]

Skálholt er ákaflega fallegur staður en þangað hef ég komið tvisvar sinnum.