Virðum heiðarleikann - burt með þá sem vega úr launsátri!

Virðum heiðarleika stödd í kjörklefanum.  Hugsum um það hverjir hafa verið heiðarlegir í kosningabaráttunni.  Þeir eru líklegir til þess að endurreisa Ísland nýrra gilda.  Verum á varðbergi fyrir gömlu töktunum yfirborðsmennsku, græðgi, óheiðarleika. Leitum sannleikans. Þá mun okkur vel farnast. Höldum svo áfram að taka þátt.  Munum að stjórnmál eiga ekki að vera einkavettvangur útvalinna heldur sjálfsagður og eðlilegur þáttur í lífi hverrar manneskju.  Þeir sem kosnir eru eru ekkert merkilegri en annað fólk.  Þeir eru þjónar okkar til tiltekins tíma og eiga svo að hverfa til sinna fyrri starfa. Burtu með stjórnmálaelítuna.  Slíkt fyrirbrigði verður alltaf spillt.  Og niður með þá sem vega úr launsátri.  Þeir ættu að vera fyrirhrunsfyrirbrigði.  Verum óhrædd við að koma fram undir nafni.

Athugasemdir

[Sigurður Þórðarson, 24.4.2009 kl. 09:05]

Ég tek undir þetta, það er meiri manndómsbragur að því að stinga menn framanfrá, það er ekki morð heldjur víg og á þessu tvennu er reginmunur samkvæmt fornri siðfræði okkar Íslendinga.

[Hólmfríður Pétursdóttir, 24.4.2009 kl. 12:08]

Þessa stundina mundi ég helst vilja kjósa þann lista sem hefur í framboði fólk í Reykjavík suður sem ég gæti helst treyst til starfa á Alþingi, en nei með því atkvæði gæti ég orðið til þess að einhver eða einhverjir af lista þess flokka í  allt öðru kjördæmi kæmust þar með líka á þing, fólk sem mér finnst ekki eiga þangað neitt erindi.

Við verðum að finna lausn á þessu með vægi atkvæða. Allt landið eitt kjördæmi?

[Ben.Ax. (Benedikt Jóhannes Axelsson), 24.4.2009 kl. 17:13]

Sammála en af hverju lesa svona margir bloggið þitt en fáir mitt?

[Helgi Jóhann Hauksson, 24.4.2009 kl. 18:28]

Sammála

[Jón Ólafur Vilhjálmsson, 24.4.2009 kl. 22:51]

Sammála en þá skyl ég ekki, að kjósa Björgvin er hann, búin að vera heiðarlegur?

[Sigrún Jóna (IP-tala skráð) 24.4.2009 kl. 23:39]

Samfylkingin verður aldrei neinn kostur. Aldrei!!!

[Friðrik Þór Guðmundsson, 25.4.2009 kl. 00:35]

Sammála Baldur - það vissi ég að það leyndist Borgarahreyfingarmaður undir kuflinum!