Hópsetning kallar á rasisma!

Blaða- og fréttamenn ættu að sjá sóma sinn í því að hafa þá reglu að fjalla um afbrotamenn sem einstaklinga og hópsetja þá ekki.  Slíkt kallar alltaf á staðalímyndir og ýtir undir fordóma og rasisma og bitnar á venjulegu fólki . Fjölmörg dæmi frá síðasta ári eru því miður um að þessi sjálfsagða grunnregla var virt að vettugi oftast vegna þess, trúlega, að menn ná ekki að reka höfuðið upp úr hvirfilvindi daganna.

Pólverjar þeir löghlýðnustu

Athugasemdir

[Snorri (IP-tala skráð) 6.1.2008 kl. 13:54]

Samkvæmt þinni uppástungu á heldur ekki að segja frá hvers kyns afbrotamennirnir eru eða hvar á landinu afbrotin eiga sér stað. Það er og á að vera krafa almennings að fá allar staðreyndir upp á borðið til að geta dregið eigin ályktanir í stað þess að láta mata sig af
hálfum sannleikanum. Ég blæs á svona tillögur sem fela í sér að almenningur sé fífl sem á að mata á upplýsingum sem honum er treystandi
fyrir. Og svo er þessi frétt af "löghlýðnustu þjóðarbrotunum á Íslandi" í hæsta máta undarleg og vilandi. Við skulum átta okkurá því að öll mál
sem lögreglan hefur afskipti af enda ekki hjá Ríkissaksóknara. Þannig að það vantar heilmikið uppá þessa frétt. Það vekur einnig athygli í 
fréttinni hvað útlendingar eiga samtals mikinn þátt í afbrotum hér á landi. 

[Baldur Kristjánsson, 6.1.2008 kl. 13:59]

Þetta er ekki uppástunga Snorri heldur almenn og viðurkennd afstaða hjá siðmenntuðu fólki. Kv. B

[Guðjón Sigþór Jensson, 6.1.2008 kl. 14:55]

Sammála.

Gera þarf mun meiri kröfur til þeirra sem stunda blaðamennsku en nú er. Oft er ótrúlegt hvernig þeir rangtúlka og afbaka heimildir sínar, oft má rekast á ótrúlega lélega málnotkun og fleira fram eftir götunum.

Því miður gera fjölmiðlar oft litlar sem engar kröfur til þeirra sem gera blaðamennsku að aðalstarfi. Þeir mættu leita meira til vel menntaðra  og víðsýnna frístundablaðamanna sem hafa góða þekkingu hver á sínu sviði.

Mig langar til að spyrja þig Baldur hvort þú hafir kynnt þér stöðu Kúrda? Mér sýnist á öllu að þar sé sitthvað sem betur mætti fara og við 'islendingar ættum að skoða málefni þeirra betur og leggja e-ð gott til að unnt sé að leysa þau vandræði sem þar eru. Fréttir þaðan eru því miður mjög litaðar af tyrkneskum sjónarmiðum enda viðurkenna þeir ekki Kúrda sem þjóð. Þeir eru „Fjalla-Tyrkir“ í þeirra augum. Sennilega er þarna einhver sú umdeildasta púðurtunna sem við stöndum frammi fyrir og þaðþarf að aftendra sprengjurnar í tíma og koma í veg fyrir gríðarlegan flóttamannastraum þaðan.

Með bestu kveðjum og þökkum fyrir margar frábærar ábendingar á blogginu.

Mosi 

[Snorri (IP-tala skráð) 6.1.2008 kl. 15:29]

Hvar hefur það komið fram að þetta sé "almenn og viðurkennd" afstaða? Ég þekki fjölda siðmenntaðra einstaklinga sem vilja ekki sjá að hluta sannleikans sé haldið leyndum vegna sérhagsmuna ákveðinna þjóðfélagshópa. Er almenningi ekki treystandi til að meðtaka þessar fréttir? Og hver á að meta hvað kemur almenningi við og hvað ekki? Ég held Baldur að þú og þínir "siðmenntuðu" vinir séuð komnir á hálan ís með þetta.

[Ólafur Hannesson (IP-tala skráð) 6.1.2008 kl. 19:22]

Ja nú er ég ekki sammála þér Baldur, Það er ekert að því að þessir hlutir séu tilgreindir. Finnst þér þá líka að það eigi ekki að tilgreina þessa hluti þegar um góða hluti er að ræða. Þetta er bara eðlileg fréttamenska, að segja frá hlutum sem eru hreinlega STAÐREYNDIR.

mkb

Óli 

[Baldur Kristjánsson, 6.1.2008 kl. 20:05]

Blessaður Ólafur!  Hvernig væri nú að taka mark á þér eldri og lesnari manni í þessum efnum.  Grínlaust: það er maður sem nauðgar - ekki íslendingur...ekki sjálfstæðismaður....ekki Ölfusingur..ekki Pólverji. Besta kveðja. B

[Bjarni Harðarson, 6.1.2008 kl. 22:09]

fréttin um loghlydni pólverja kallar einmitt á umraedu um thessa hluti sem thu ert i nokkurri adstodu til ad leida - thad er otholandi hvernig villandi frettaflutningur er buinn ad draga upp neikvaeda mynd af austurevropsku verkafolki sem sveitist hjá okkur í erfidustu storfunum og faer svo fordóma í stad thakklaetis...

[Guðmundur (IP-tala skráð) 6.1.2008 kl. 22:46]

Mjög gott að þessar upplýsingar liggi fyrir svo hægt sé að greina vandann og leysa hann í stað þess að fela sannleikann.

[Ólafur Hannesson (IP-tala skráð) 7.1.2008 kl. 00:14]

En þér þykir þá óréttmætt þegar er tilgreint frá kyni?  Ég finn ekki fyrir neinu hatri í garð útlendinga, þó að ég viti til þess að þessi ákveðni nauðgari var erlendur af uppruna. Hinsvegar má nýta þær upplýsingar til að bæta okkur. Tökum sem dæmi ölvunarakstur, Við vitum að hann er algengari meðar útlendinga, Það er ekki af því að þau eru eitthvað verri en við, heldur er það að því að þau koma frá öðrum stað, með öðrum siðum og menningu. Með þetta að vopni mætti reyna að auka skilning þeirra um að það eigi ekki að drekka og keyra. Ég er með þessu ekki að segja að útlendingar nauðgi meira en Íslendingar, en allar þessar upplýsingar hjálpa. Við þurfum að takast á við vandann ekki að fela hann eða breyta honum.

mbk

Óli 

[Baldur Kristjánsson, 7.1.2008 kl. 00:37]

Margt færi betur ef við  hættum að hugsa í Íslendingum - útlendingum; við - þeir; hvítir - svartir.  Þú átt að hugsa í manneskjum. Mesta ógæfa þjóða og manna hefur falist í staðalímyndum, rasisma o.fl.  Hjá sumum Evrópuríkjum er meira að segja bannað að greina uppruna manna í lögregluskýrslum en um það er deilt sumir telja einmitt að af slíkri greiningu megi hafa jákvæð not eins og þú nefnir dæmi um en frétt eins og .........Belgi/Frakki/ Líthái/Íslendingur/Gyðingur...braust inn o.s.fr. er víðast hvar talinn fyrir neðan virðingu sæmilegra fréttamiðla og er út úr kortinu væiðast hvar. Hér hefur skort alla umræðu um þetta og alla kennslu í mannréttindum.Kv. B

[Snorri (IP-tala skráð) 7.1.2008 kl. 12:44]

Þú ert að hitta naglann beint á höfuðið Ólafur Hannesson. Því meiri upplýsingar sem liggja fyrir, þvi betra að ráðast að rótunum. Og Baldur, þú strokar ekki út uppruna eða þjóðerni fólks. Hvaða öfugi rasismi er hér á ferð? Það á að fagna margbreytileika mannflórunnar en ekki að reyna að steypa öllum í sama mót. Ef fólk vill margbreytilegt þjóðfélag þá verður að ræða allar hliðar þess. Ekki bara þessar góðu. Það verður að ræða slæmu hliðarnar líka.

[Baldur Kristjánsson, 7.1.2008 kl. 15:56]

Þú missir punktinn Snorri. Þetta gengur ekki út á upplýsingar.  Sjálfum finnst mér að þær ættu að liggja fyrir en um réttmæti þess er reyndar mikið rætt.  En þetta snýst ekki um upplýsingar -þetta snýst um staðalímyndirl, rasisma, xenofóbíu og ótalmargt fleirra.  Kv. B

[Árni Gunnarsson, 8.1.2008 kl. 15:17]

Það er auðveldast að segja "við eigum að".... "öll dýrin í skóginum eiga að vera vinir," o.s.frv. Málið er bara ekki svona einfalt. Örfáir reyna að breyta sjálfum sér en afar margir telja sig þess umkomna að breyta öðrum. Hvergi er skýrari vitnisburður en einmitt hér á þessum vettvangi.

Þjóðernishyggjan er inngróin flestum af eldri kynslóð þessarar þjóðar og auk þess mörgum hinum yngri. Að mínu mati er þjóðernishyggja góð upp að vissu marki en hún er vandmeðfarin einkum þó ef áreitið verður mikið á skömmum tíma eins og nú hefur orðið raunin.

´Þær móttökur sem erlendir starfsmenn fengu á þessu þensluskeiði framkvæmda hér á landi segja ákveðna sögu um álit okkar á þeim og sú umræða sem þeir hafa hlotið er bein afleiðing.

Fólk sem býr í gámum ellegar húsnæði sem ekki þætti samboðið reiðhestum í hesthúsahverfi fær óhjákvæmilega umræðu í nokkuð réttu hlutfalli við samfélagslega stöðu.

Mér sýnist umræðan um erlenda starfsmenn á Íslandi illskárri en við hefði mátt búast.

En nú fyrst tel ég að fari að reyna á hvort rasismi er í uppsiglingu hér og ég er hóflega bjartsýnn,- í besta falli.