Eitursnjöll SOS námskeið

Ekki er ofsögum sagt að íbúar í Reykjanesi eru heppnir með stjórnendur sem láta sig uppeldismál miklu skipta.  Ég var að horfa í sjónvarpinu á umfjöllun um SOS námskeiðin sem fjalla um það hvernig á að umgangast börn. Öllum foreldrum sem eiga börn á aldrinum 2ja til 12 ára er boðið á þessi námskeið sem Fálgsvísindadeild Háskóla Íslands skipuleggur og einnig eru sendir á námskeiðin kennarar bæði leikskóla og grunnskóla.

Það sem hefur gerst í Reykjanesbæ er að krökkum með hegðunarvanda hefur fækkað. Ekki er ástæða til að efast um að það er vegna þessara námskeiða og það er álit sérfræðinga.

Námskeiðin ganga út á það að kenna fólki að ala börn sín upp með því að gefa þeim jákvæð skilaboð – að vera uppbyggjandi og hrósandi í aðgerðum sínum. Mikið er atriði er að samræmi sé í hegðun þeirra fullorðinna sem koma að uppeldi barns.  Þess vegna er svo eitursnjallt að gefa bæði foreldrum og kennurum kost á samskonar námskeiðum , það leiðir til þess að samræmi verður í uppeldinu. Báðir aðilar fara að nálgast barnið með sama hætti.

Nú er það svo að foreldrar mættu vera duglegri að kynna sér starfsaðferðir skólans og skólinn aðferðir og viðhorf foreldra. Það verður alltaf svo.  Þess vegna eru námsekiðin  eitursnjöll lausn.  Þessu máli ber að veita verðuga athygli.

Athugasemdir

[Sigþrúður Harðardóttir, 4.1.2007 kl. 17:46]

Sæll Baldur

Kannski get ég nú loksins ,,kommenterað" á pistlana þína. Þetta kerfi mbl hefur reynst mér þungt í vöfum. Ég er að gefast upp á gömlu síðunni minni og innan skamms mun ég blogga á sisshildur.blog.is

Kannast aðeins við SOS kerfið og væri sannarlega til í að skoða það betur.

Varpa því á rétta staði!

KV

Sissa